प्राइम लाइफ र नेसनल लाइफले १ अर्ब ६० करोडको हकप्रद सेयर निष्कासन गर्ने
काठमाडौं । दुई जीवन बीमा कम्पनीले चुक्ता पुँजी बढाउन हकप्रद सेयर निष्कासन गर्ने भएका छन् । प्राइम लाइफ इन्स्योरेन्स कम्पनी लिमिटेड र नेसनल लाइफ इन्स्योरेन्स कम्पनी लिमिटेडले १ अर्ब ६० करोड ३८ लाख ४७ हजार ७५४ रुपैयाँको १ करोड ६० लाख ३८ हजार ४७४ कित्ता हकप्रद सेयर निष्कासन गर्न लागेका हुन् । जसअनुसार प्राइम लाइफले १ बराबर १ अनुपातमा ६१ करोड २ लाख रुपैयाँ बराबरको ६१ लाख २ हजार कित्ता र नेसनल लाइफले १० बराबर ६ अनुपातमा ९९ करोड ३६ लाख ४७ हजार ७५४ रुपैयाँ बराबरको ९९ लाख ३६ हजार ४७७ कित्ता हकप्रद सेयर निष्कासन गर्ने भएका छन् । हकप्रद निष्कासनका लागि दुवै कम्पनीले धितोपत्र बोर्डमा निवेदन दिएका छन् । नियामक बीमा समितिले आउदो असारसम्म जीवन बीमा कम्पनीले २ अर्ब रुपैयाँ चुक्तापुँजी पुर्याउनु पर्ने नीतिगत व्यवस्था गरेपछि दुबै कम्पनीले हकप्रदबाट पुँजी बढाउन लागेका हुन् । प्राइम लाइफको चुक्तापुँजी ६१ करोड २ लाख रुपैयाँ छ । यस्तै नेसनल लाइफको १ अर्ब ६६ करोड ४१ लाख रुपैयाँ छ । हालसम्म १८ कम्पनीले ११ अर्ब ६४ करोड ५५ लाख रुपैयाँ बराबरको ११ करोड ६४ लाख ५५ हजार कित्ता हकप्रद सेयर निष्कासनका लागि बोर्डमा निवेदन दिएका छन् । साउनयता बोर्डले १८ कम्पनीलाई ९ अर्ब ५३ करोड ३२ लाख रुपैयाँ बराबरको ९ करोड ५३ लाख ३२ हजार कित्ता हकप्रद निष्कासनका लागि अनुमति दिएको छ । बैंक तथा वित्तीय संस्था र बीमा कम्पनीले चुक्तापुँजी बढाउनु पर्ने बाध्यकारी व्यवस्था भएकाले यो वर्ष हकप्रद सेयरको बाढी आउने भएको छ ।
हस्तकला व्यापार मेला मंसिर १ देखि ५ गतेसम्म, १० हजार आगन्तुकलाई निःशुल्क प्रवेश
काठमाडौं । नेपाल हस्तकला महासंघले मंसिर १ देखि ५ गतेसम्म आयोजना गर्न लागेको १५औ हस्तकला व्यापार मेला तथा १३ औै हस्तकला प्रतियोगिताको तयारी पुरा भएको जनाएको छ । निर्यातकर्ता, आन्तरिक उपभोक्ता, थोक तथा खुद्रा बिक्रेता र अन्तर्राष्ट्रिय क्षेत्रका उद्यमी, व्यबसायी आयातकर्ता आदिलाई लक्षित गरि यो मेला आयोजना गर्न लागिएको महासंघले जनाएको छ । मेलामा चीन, जापान, जर्मन, पाकिस्तान, भुटान, भारत, श्रीलंकालगायतका देशहरुबाट ३५ जनाभन्दा बढि विदेशी व्यवसायिक खरिदकर्ता आउने मेला आयोजक समितिको संयोजक हेमरत्न शाक्यले बताए । मेलामा झण्डै १ लाख आगन्तुक आउने अनुमानगरिएको छ भने १० करोडभन्दा बढीको कारोवार हुने अपेक्षा आयोजकको छ । व्यापार मेला अवलोकन गर्नको लागि प्रवेश टिकटको दर ५० निर्धारण गरिएको छ । त्यसमा विद्यार्थीलाई ५० प्रतिशत सहुलियतको व्यवस्था गरिएकोे र वृद्धवृद्धालाई निशुल्क गरिएको महासंघले जनाएको छ । १० हजार मान्छेको लागि टिकट फ्रिको व्यवस्था गरिएको बताइएको छ । मेलामा १० वटा प्याभिलियनसहित करिब २०० स्टल रहने छन् । व्यापार मेलामा नेपाल भित्रबाट महासंघका जिल्ला हस्तकला संघहरु, बस्तुगत संघहरुको साथै ती संघमा आवद्ध र नेपाल सरकारको गरिबीनिवारण कोष समेतको सहयोगितामा करिव २५ वटा जिल्लाका उद्यमी व्यवसायीहरु सहभागी हुने भएका छन् । मेलामा काष्ठकला, धातुकला, सुनचाँदी, फेल्टका सामान, उनी तथा सुती एवं ढाकाका सामान, पश्मिना, हाते कागजका सामान, छालाजन्य सामान, प्राकृति करेसा र वाँसका सामानहरुसाथै जडिवुटी, अर्थोडक्स चिया लगायतको बस्तु प्रर्दशनी तथा बिक्रीका लागि राखिने महासंघको निवर्तमान अध्यक्ष तथा मेला आयोजक समितिको संयोजक हेमरत्न शाक्यले जानकारी दिए । नेपाल एकिकृत व्यापार रणनीति भित्र समावेश हस्तकला सँगका वस्तुहरुलाई मेलामा विशेष रुपमा प्रदर्शनी गर्ने कार्यक्रम बताइएको छ । व्यापार मेलमा सहभागी भएका फर्म कम्पनीहरुको ब्यवसाय प्रवद्र्धन एवं विकास गर्न मेला अवधिभर बिभिन्न स्वदेशी एवं बिदेशी क्रेताहरु र विक्रेता र्फम कम्पनीहरुबीच मेला स्थलमा क्रेता बिक्रेता वैठक (विटूबी) आयोजना गरिने भएको छ । यसै गरि मेलाको दोस्रो दिन अर्थात मंसिर २ गते अन्नपूर्ण होटलमा पनि विदेशबाट आएका क्रेताहरु र मेलामा सहभागी लगायत महासंघका निकासीकर्ता सदस्य बिक्रेताहरु बीच भेला गराई क्रेता बिक्रेता भेला गर्ने कार्यक्रम रहेको महासंघले जनाएको छ । उत्कृष्टलाई सम्मान मेलामा रहने प्याभिलियनहरु मध्येबाट उत्कृष्ट हुने एकप्याभिलियन र एक स्टललाई आकर्षक नगद पुरस्कारको पनि व्यवस्था गरिएको महासंघको अध्यक्ष धर्मराज शाक्यले बताए । त्यस्तै, नवोदित वस्तुको उजागर तथा निर्यात योग्य वस्तु विकास गरी निर्यात प्रवद्र्धनमा सहयोग पु–याउने उद्देश्यबाट उत्कृष्ट वस्तुहरु संकलन गरि ती वस्तुहरुलाई एकै स्थानमा प्रर्दशन गर्ने व्यवस्था मिलाईने छ । यसरी संकलित वस्तुहरुमध्येबाट परम्परामा आधारित समकालिन हस्तकला वस्तु विधा, टेक्सटाईल (होमडेकोर र फेशन एसेसरिज) र गरगहना आदि तीन वर्गीकरण मा परेका वस्तु मध्येबाट उत्कृष्ट एक/एक वस्तुलाई पुरष्कृत गरिने छ । यस अवसरमा नेपाली हस्तकला उद्योग व्यवसायको विकास, विस्तार तथा प्रबद्र्धनमा निरन्तर क्रियाशील भई विशेष योगदान पु¥याउनु हुने उत्कृष्ट उद्यमी, उत्कृष्ट निकासीकर्ता र उत्कृष्ट कलाकारलाई सम्मान गरिने संयोजक शाक्यले बताए । महासंंघले आफ्नौ निकासीकर्ता सदस्यहरु मध्ये ३ जना निकासीकर्ता र गै¥ह निकासीकर्ता सदस्यहरु मध्ये १ जनानिकासीकर्तालाई विषैश सम्मान र उपाहार प्रदान गर्ने योजना बनाएको छ । त्यसैगरि हस्तकला सामाग्री विक्रीको हिसाबले १ करौड भन्दा बढी निकासीगर्ने सदस्यहरुलाई र ५ करौड भन्दा बढी निकासी गरी आय आर्जन गर्ने निकासीकर्तालाई पनि महासंघले सम्मान र उपाहार प्रदान गर्ने कार्यक्रम बनाएको छ।
एनालग टेलिभिजन सेवा बुधबारदेखि बन्द, सेटअप बक्स बिना टेलिभिजन हेर्न नपाइने
काठमाडौं । सरकारले एनालग प्रविधिबाट सञ्चालन भईरहेका केवल टेलिभिजन बुधबारदेखि बन्द गरेको छ ।बुधबार ८ वटा एनालगमै चलिरहेका केबल टेलिभिजनको कन्ट्रोल रुमको ज्याक सिल गरेको छ । राजधानीका ८ वटा केबल टेलिभिजन बन्द भएका छन् । बन्द हुनेमा सुबिसुको एनालग केबल टेलिभिजन, सोनिङ, जाउलाखेल, काठमाडौं, स्काई, स्पेशटाइम, सिईसी र टिपीलिंक केबलको एनालग सेवा बन्द गरिएको हो । ०७५ वैशाख १५ गतेपछि ग्रामीण क्षेत्रसहित देशभर एनालग टेलिभिजन बन्द गर्ने सरकारको तयारी छ । यसअघि सरकारले केबल अपरेटर कम्पनीहरुलाई एनालग केबल प्रणाली हटाएर डिजिटल प्रणाली लागू गर्न १५ दिने अल्टिमेटम दिएको थियो । त्यसबेला सुचना तथा सञ्चार मन्त्रालयले कात्तिक २९ गतेबाट सञ्चार मन्त्रालयले अनुगमन गरी एनालग केबल बन्द गर्ने जानकारी दिएको थियो । मन्त्रालयले पहिलो चरणमा महानगरपालिका, उपमहानगर र नगरपालिकामा अवैद्य रुपमा सञ्चालन भइरहेका एनालग टेलिभजन बन्द गरेको हो । महानगरपालिका, उपमहानगरपालिका र नगरपालिकामा पटकपटक हटाउन दिइएको निर्देशन विपरित केबल कम्पनीहरुले नहटाएपछि बुधबारदेखि लाइन काटिएको मन्त्रालयले जनाएको छ । हालसम्म १० वटा केबल कम्पनीले मात्र डिजिटल प्रणालीको लाइसेन्स लिएका छन् । ती मध्ये ८ वटा सञ्चालनमा छन् । यद्दपी उपत्यकामा २५ भन्दा बढी केबल कम्पनी छन् । यसअघि मन्त्रालयले गत बैशाख १५ पछि काठमाडौंसहित ललितपुर, वीरगञ्ज, बिराटनगर, पोखरा महानगरपालिकाहरुमा केबल टेलिभिजन डिजिटलाइजेशन भएनन् भने टीभी नचल्ने जानकारी दिएको थियो । तर ६ महिना बितिसक्दा पनि यो लागू हुन सकेको थिएन । एनालगबाट सरकारले वार्षिक करोडौं रुपैयाँ राजश्व गुमाएको छ ।
सिप्रदीलाई सुपर प्लाटीनम अवार्ड, वार्षिक ३५० मिलियन डलर राजश्वमा योगदान
काठमाण्डौं । सिप्रदी ट्रेडिङ्ग प्रा. लि.ले आफ्नो व्यवसायिक मान्यता अनुसार विशिष्ट रुपमा त्यसको पालना गरेको र ग्राहकमुखी सेवाहरु प्रदान गरे बापत सुपर प्लाटीनम अवार्ड प्राप्त गरेको छ । नेपाल उद्योग परिसंघ र अमेरिकामा प्रधान कार्यालय रहेको ‘फ्रस्ट एण्ड सुलेमान’ नामक आर्थिक तथा व्यवसायिक क्षेत्रको संस्थासँग साझेदारीमा यही मंगलबार कात्तिक २९ मा सम्पन्न ‘नेपाल बिजिनेस एक्सिलेन्स अवार्ड २०१७’ कार्यक्रममा उक्त अवार्ड सिप्रदीलाई प्रदान गरियो । नेपालको व्यवसायिक समुदायमा उक्त अवार्डलाई विशिष्ट दर्जामा मानिन्छ । विश्वमा मान्यता प्राप्त पाँच परिसूचकहरु जस्तै; दिगो आर्थिक तथा गैर आर्थिक फाईदाहरु, रणनीतिक साझेदारी, कर्मचारी तथा व्यवसायबीचको मैत्रीपूर्ण साझेदार, भरपर्दो व्यवस्थापन प्रक्रियाहरु तथा व्यापार उत्पादकताको आधारमा कम्पनीको कार्यहरुलाई मूल्याङ्कन गरी अवार्ड प्रदान गरिएको हो । प्रतिस्पर्धी कम्पनीको व्यवसायिक योजना तथा त्यसको कार्यान्वयन, सेवाको गुणस्तर, उपभोक्ताको सन्तुष्टि, आर्थिक विकास, दिगो व्यवसायिक विकास, सामाजिक उत्तरदायित्व जस्ता पक्षहरुको विश्लेषण गरी बिजिनेस एक्सिलेन्स अवार्ड २०१७ प्रदान गरिएको आयोजकले जनाएका छन् । सिप्रदीको प्रमुख कार्यकारी अधिकृत राजनबाबु श्रेष्ठले उक्त अवार्ड ग्रहण गर्दै भन्ने, “हामीले जहिले पनि श्रेष्ठतम सेवाहरु प्रदान गर्नेमा जोड दिएका छौं र आज हामीफ्रस्ट एण्ड सुलेमान बाट पनि प्रमाणित भएका छौं । यो अवार्डलाई हामी हाम्रो सम्पूर्ण मान्य ग्राहकवर्गहरुमा समर्पण गर्न चाहन्छौं र भविष्यमा अझै राम्रो सेवा प्रदान गर्ने प्रण गर्दछौं ।” फ्रस्ट एण्ड सुलेमानका अनुसार अवार्ड प्राप्त गर्ने कम्पनीहरुलाई तिनको भविष्यको योजना, भविष्यमा आउने विभिन्न चुनौतीहरुको सामना गर्न सक्ने गरी प्रतिस्पर्धा क्षमता तथा विशिष्ट प्रक्रियाहरुलाई अवलम्बन गर्न सक्ने तयारी भएका आधारमा सम्मान गरिएको हो । सन् १९६१ मा अमेरिकामा स्थापना भएको फ्रस्ट एण्ड सुलेमान विश्वव्यापी रणनीतिक कार्यहरुको अग्रसरता लिएको कन्सल्टिङ्ग कम्पनी हो । यस कम्पनीको विश्वभर ४५ वटा अफिसहरु छन् जसमध्ये नेपालमा पनि एउटा कार्यालय छ । सिप्रदी ट्रेडिङ्ग प्रा. लि. नेपालमा गाडीहरु र त्यससँग सम्बन्धित व्यवसायहरु संचालन गर्ने एउटा प्रतिष्ठित कम्पनी हो र सन् १९८२ देखि टाटा मोटर्सको नेपालमा एक मात्र आधिकारिक बिक्रेता हो । विगत ३४ वर्ष देखि व्यवसायिक अग्रसरता लिदैं सिप्रदीले वार्षिक ३५० मिलियन डलरको राजश्व तिर्ने र गाडी, इनर्जी, लुब्रिकेन्ट्स, फाईनान्स सेवाहरु, ईक्वीपमेन्ट व्यवसाय आदिमा आफ्नो अग्रसरता राखेको छ ।
सर्वोच्चले उल्टायो मन्त्रिपरिषद्को निर्णय, २ वर्षपछि नेसनल ट्रेडिङको महाप्रबन्धकमा फर्किए पूर्णशंकर बसी
काठमाडौं । सर्वोच्च अदालतले नेसनल ट्रेडिङ लिमिटेडको महाप्रबन्धकबाट बर्खास्त गरिएका पूर्णशंकर बसीलाई पुनर्बहाली गर्न फैसला गरेको छ । सरकारले गरेको बर्खास्ती न्यायसंगत नभएको भन्दै सर्वोच्चले यस्तो फैसला गरेको हो । आइतबार न्यायधीश ओमप्रकाश मिश्र र अनिलकुमार सिन्हाको संयुक्त इजलासले बसीको रिटमा सुनुवाई गर्दै उनको माग अनुसार फैसला जारी गरेको सर्वोच्च अदालतले जनाएको छ । बसीले आफूलाई बर्खास्त गर्ने सरकारको निर्णय खारेज गर्न अन्तरिम आदेश माग गर्दै दुई वर्ष अगाडी सर्वोच्चमा रिट दिएका थिए । आफूलाई चार वर्षका लागि नियुक्त गरिएको र गैरकानुनीरुपमा हटाएको जिकिर उनले गरेका थिए । दुई वर्षअगाडी मन्त्रीपरिषदले ‘अयोग्य’ ठहर गर्दै बसीलाई पदच्यूत गरेको थियो । मन्त्रिपरिषदको निर्णय विरुद्ध बसी सर्वोच्च पुगेका थिए । किर्ते गरेको आरोपका आधारमा २०७२ असोज २२ मा सुशिल कोइराला नेतृत्वको सरकारले बसीलाई पदबाट बर्खास्त गरेको थियो । मन्त्रिपरिषदले उनलाई किर्ते गरेको आरोपमा बर्खास्त गरी सत्यनारायण मेहतालाई नियुक्त गरेको थियो । खाद्य संस्थानमा ११ औं तहको कर्मचारीबाट अवकाश पाएपछि उनले बज्रयोगिनी ट्रेडर्समार्फत एकल सञ्चालकको रुपमा कारोबार सुरु गरेका थिए । सोही बेलामा उनले चामलका लागि टेन्डर भर्दा स्टाण्डर्ड चार्टर्ड बैंकको ६० लाख रुपैयाँ बराबरको फर्जी भौंचर पेश गरेको आरोप थियो । सरकार परिवर्तन हुनु एक दिन अगाडी मन्त्रीपरिषदले आफूलाई बर्खास्त गरेको बसीले जानकारी दिए । उनले भने, ‘मलाई स्पष्टिकरण लिएको ९ महिनापछि नै पदबाट हटाइएको थियो ।’ २०७१ माघ १२ मा उनलाई तत्कालिन वाणिज्य तथा आपूर्तिमन्त्री सुनिलबहादूर थापाले संस्थानमा महाप्रबन्धकका रुपमा भित्र्याएका थिए । मन्त्रीपरिषदले उनलाई चार वर्षको कार्यकाल रहने गरी महाप्रबन्धकको जिम्मेवारी दिएको थियो । सर्वोच्चको निर्णयपछि अब उनले करिब १६ महिना कार्यकाल चलाउनेछन् । यसैगरी उनले दुई वर्ष अवधिमा महाप्रबन्धकले पाउनुपर्ने तलबभत्ता पनि पाउने मन्त्रालयले जानकारी दिएको छ । आफुलाई हटाएर नेसनल ट्रेडिङलाई डुबाउने षड्यन्त्र गरेको आरोप लगाए । उनले नेसनल ट्रेडिङको सम्पती लिलाम गर्दै बेचेकोमा सरकारको आलोचना गरेका छन् । उनले भने, ‘व्यापारिक संस्थानको क्लोजिङ गर्ने समयमा लिलामीका कामहरु भइरहेका छन् । भएका कर्मचारीहरुलाई पनि हटाइएका छन् ।’ सर्वोच्चको आदेशपछि बसीलाई प्रकृयागत हिसाबले मन्त्रालयले महाप्रबन्धकको जिम्मेवारी दिने तयारी गरेको आपूर्ति मन्त्रालयका प्रवक्ता मुकुन्दप्रसाद पौड्यालले जानकारी दिए । उनका अनुसार मन्त्रीपरिषदबाटै निर्णय गराएर बसीलाई पुनर्बहाली गराउनुपर्ने प्रावधान छ । आफूलाई तीन वर्षको नियुक्ती दिएपनि पुरा कार्यकाल काम गर्न नदिएको भन्दै सत्यनारायण मेहताले फेरि महाप्रबन्धकको जिम्मेवारी पाउनुपर्ने दाबी गरेका छन् । उनले भने, ‘सर्वोच्चले किर्ते गरेको प्रमाण नहेरी बसीलाई पुनर्बहाली दिएको छ । मन्त्रिपरिषदको निर्णय मात्र हेर्ने हो भने मेरो पनि कार्यकाल अझै बाकी छ ।’ करोडौं अनियमितताको आरोपपछि भर्खरै मेहतालाई महाप्रबन्धकबाट स्वैच्छिक अवकाश दिएर हटाइएका थिए । मन्त्रालयले अर्को व्यवस्था नभएसम्म महाप्रबन्धकको जिम्मेवारी उपसचिव लवराज जोशीलाई दिएको थियो । ‘नेशनल ट्रेडिङ डुबाउने मेहतालाई पुनःमहाप्रबन्धक बनाउन मन्त्री शिवकुमार मण्डलको चलखेल’
डाबर नेपालले सुरु गर्यो ‘डाबर स्कुल इम्युनो च्याम्प २०१७’, विद्यार्थीको आन्तरिक शक्ति मापन गरिने
काठमाडौं । डाबर नेपाल प्रालिको ‘डाबर स्कुल इम्युनो च्याम्प २०१७’ आजबाट सुरू भएको छ । यो कार्यक्रम अन्तर्गत डाबरले विद्यार्थीका आन्तरिक शक्ती मापन गर्नेछ । जाडोको मौसमलाई लक्षित गरी सुरू गरिएको यो कार्यक्रममा डाबरले देशभरिका ८० भन्दा बढी विद्यालयहरूमा गएर आन्तरिक शक्ति, यसको आवश्यकता र विशेषता, आदिका बारेमा जानकारी प्रदान गर्न कार्यक्रम आयोजना गरेको हो । काठमाडौँको पूर्वीय र भक्तपुर क्षेत्र, काठमाडौँको पश्चिमी क्षेत्र, र ललितपुरका साथै उपत्यकाबाहिर चितवन र पोखराका विद्यालयहरूमा यो कार्यक्रम सञ्चालन गर्ने कम्पनीले जानकारी दिएको छ । यो कार्यक्रमबाट डाबर च्यवनप्राशले जाडो महिनामा आन्तरिक शक्ति वा इम्युनिटिको आवश्यकताको सन्देश प्रवाह गर्दै छ । कम्पनीका अनुसार यो कार्यक्रम करिब २ महिनासम्म चल्नेछ । यो कार्यक्रमको स्वास्थ्य संस्था पार्टनर वयोधा अस्पतालसँगको सहकार्यमा डाबर नेपालले प्रत्येक विद्यालयमा कक्षा ३ देखि कक्षा ८ सम्मकाविद्यार्थीहरूको उचाइ तथा वजनमापन गरी बडी मास इन्डेक्स (बि.एम.आइ.) नापिनेछ । त्यसै गरी शौचालय, खाजा र खानेपानीको व्यवस्थाका बारेमा पनि जानकारी लिइनेछ । यसैबाट नै प्रत्येक क्षेत्रबाट २ विद्यालयलाई विजेता घोषणा गरी समग्रमा १० विद्यालय विजयी हुनेछन् । यही कार्यक्रमबाट प्रयोग गर्ने सकिने न्यानो लुगाहरू पनि सङ्कलन गर्ने कम्पनीको योजना छ । सङ्कलन गरिएको सङ्ख्या थप नयाँ लुगाहरू थप गरी डाबर नेपालले सि.एन.एन. सुपर हिरो पुष्पा बस्नेतको संस्था अर्लि चाइल्डहुड डेभलपमेन्ट सेन्टरलार्ई हस्तान्तरण गर्ने कार्यक्रम रहेको छ । डाबर नेपालमा मार्के्टिङ प्रमुखश्री अभय प्रसाद गोरखालीले भने, ‘गतवर्ष हामीले काठमाडौँ उपत्यकाका ३१ विद्यालयहरूमा १३ हजारभन्दा बढी विद्यार्थीहरूमाझ यो कार्यक्रम लगेका थियौँ । विगतको अत्यन्तै राम्रो माग र प्रतिक्रियाले यो वर्ष हामीलाई झन् धेरै विद्यार्थीहरूसँग अन्तरक्रियागर्ने हौसलादिएको हो । मलाई आशा छ – यो वर्ष पनिहामीले आन्तरिक शक्तिको महत्वकाबारेमाविद्यालय र विद्यार्थीहरूलाई राम्रो ज्ञान दिन सक्छौँ ।’
एनआईबिएल क्यापिटलको थप दुई शाखा लगनखेल र पोखरामा
काठमाडौं । एनआईबिएल क्यापिटल मार्केटस् लि.ले आफ्नो थप दुई शाखा ललितपुरको लगनखेल र पोखराको चिप्लेढुङ्गामा विस्तार गरेको छ । आफ्नो सेवाग्राहीहरुलाई मर्चेन्ट बैंकिङ्ग अन्तर्गतका विभिन्न सेवाहरु सजिलै प्रदान गर्न आफ्नो शाखा विस्तार गरेको हो । क्यापिटलले बुधबार एक कार्यक्रमकाबीच उक्त दुई शाखाको उद्घाटन गरेको छ । ललितपुर शाखाको उद्घाटन नेपाल धितोपत्र बोर्डका अध्यक्ष डा.रेवतबहादुर कार्कीले गरेका हुन् । एनआईबिएल क्यापिटलले शाखा कार्यालयहरुबाट पनि सेवाग्राहीलाई सर्वसुलभ तरिकाबाट उत्कृष्ट सेवा दिने विश्वस्तका साथ शाखा विस्तार गरेको जनाएको छ । नेपाल इन्भेष्टमेन्ट बैकको सहायक कम्पनी एनआईबिएल क्यापिटल मार्केट्सले प्रथम चरणमा दुई वटा शाखा विस्तार गरेको हो । साथै, यस क्यापिटलले निकट भविष्यमा देशका विभिन्न स्थानहरुमा समेत शाखा कार्यालयहरु खोलि आफ्ना सेवाग्राहीहरुलाई मर्चेन्ट बैंकिङ्ग सम्बन्धी सेवाहरु सजिलै प्रदान गर्ने बताएको छ ।
चितवनमा अन्तराष्ट्रिय भैंसी विज्ञ सम्मेलन सुरु, ९० वटा अनुसन्धानात्मकमुलक कार्यपत्र प्रस्तुत हुने
चितवन/चितवनको सौराहामा बुधबारदेखि अन्तराष्ट्रिय भैंसी विज्ञ सम्मेलन सुरु भएको छ । सम्मेलनको कृषि तथा वन विज्ञान विश्वविद्यालयका उपकुलपति डा.आईपी ढकालले समुद्घाटन गरेका छन् । सो क्रममा बोल्दै प्रमुख अतिथि उपकुलपति डा.ढकालले नेपालका रैथाने भैंसीको संरक्षण र नयाँ प्रजातिको विकासका लागि सम्मेलन फलदायी हुने बताए । नेपाललाई दुधमा आत्मनिर्भर बनाउन भैंसी पालनलाई व्यवसायिक बनाउनुपर्ने बेला आएको बताए । यस्तै कार्यक्रममा बोल्दै इन्टरनेशन बफेलो फेडेरेशनका अध्यक्ष अध्यक्ष प्राध्यापक डा.ऐनतेनियो बर्गिजले नेपालमा यसप्रकारको कार्यक्रम गर्न धेरै ढिलो भएको बताए । एशियाका अन्य देशमा यस्ता कार्यक्रमहरु हुँदा पनि नेपालमा हुन नसकेको भन्दै चितवनमा आयोजित सम्मेलनले राम्रो कामको सुरुवात भएको बताए । ‘भैंसीको उत्पादन वृद्धि’ मुल नाराका साथ नेपालमै पहिलो पटक सुरु भएको सम्मेलनमा भैंसीका विशेषज्ञ तथा अनुसन्धानकर्ता एवंम वैज्ञानिकहरुको सहभागिता रहेको छ । कृषि तथा वन विज्ञान विश्वविद्यालयको आयोजनामा सुरु भएको सम्मेलनमा नेपालसंगै भारत, चीन, पाकिस्तान, बंगलादेश, थाईल्याण्ड, फिलिपिन्स, अमेरिका र क्यानाडाको गरि झण्डै ५५ जना विदेशीसहित २ सय जना प्रतिनिधिको सहभागिता रहेको छ । तीन दिनसम्म चल्ने सम्मेलनमा इन्टरनेशन बफेलो फेडेरेशनका अध्यक्ष प्राध्यापक डा.ऐनतेनियो बर्गिज र युनिभर्सिटि अफ भेटेनरी एण्ड एनिमल साईन्स लाहोर पाकिस्तानका प्रोभाईस चान्सलर नसिम अहमदको विशेष कार्यपत्र प्रस्तुत हुने आयोजक समितिकी संयोजक डिन डा.शारदा थपलियाले जानकारी दिइन् । उनले भैंसीको अनुवंशीक गुण वृद्धि गरि उत्पादन बढाउँने र पोषणा स्वाथ्य तथा भैंसीको व्यवस्थापनको विषयमा छलफल हुने जानकारी दिए । सम्मेलनमा भैंसीको बाली लाग्ने समय परिवर्तन र विकासका विषयमा समेत अनुभव आदान–प्रदान गरिने आयोजकले जनाएको छ । सम्मेलनमा ९० वटा अनुसन्धानात्मकमुलक कार्यपत्र प्रस्तुत हुनेछ । आज सम्पन्न उद्घाटन सत्रमा एशियन बफेलो एशोसियसनका अध्यक्ष इन्दरजित सिंह, कृषि तथा वन विज्ञान विश्वविद्यालयका रिजष्टार प्राध्यापक डा.मनराज कुलाक्षपति, पशु सेवा विभागका महानिर्देशक डा.विमल कुमार निर्मल, मेचिगन स्टेट युनिभर्सिटिका प्राध्यापक नन्दप्रसाद जोशी, पशु सेवा विभागका कार्यक्रम निर्देशकहरु, नेपाल कृषि अनुसन्धान परिषद् महाशाखाका प्रमुखहरु, पशु सेवा विभाग अन्तरगतका क्षेत्रीय निर्देशकहरुलगायतको सहभागिता रहेको थियो ।
