२०७३ कार्तिक १० गते ८:२८ विकासन्युज
काठमाडौं १०, कात्तिक । भारतीय राष्ट्रपति प्रणव मुखर्जीको कात्तिक १७ देखि १९ गतेसम्म हुने नेपाल भ्रमणका क्रममा काठमाडौंबाट जनकपुर र पोखरा जान बुद्ध एयरको जहाज चार्टर हुने भएको छ ।
बुद्ध एयरले भारतीय राष्ट्रपति मुखर्जीलाई १९ गते बिहान काठमाडौंबाट जनकपुर र पोखरा लैजने भएको छ । पोखराबाट सोही दिन काठमाडौं फर्कने र भारत प्रस्थान गर्ने तालिका तय भएको छ । 
बुद्ध एयरका अपरेशन म्यानेजर सुुवर्ण खरेलका अनुसार ४२ सिट क्षमतको एटीआर जहाज मुखर्जीको चार्टरमा प्रयोग हुने भएको छ । बुद्धको दुई वटा जहाज चार्टर हुुुने उनले बताए ।
एक दिनको लागि दुई वटा जहाज चार्टरका लागि ३३ हजार डलर प्रस्ताव गरेको भएपनि मन्त्रालयले १५ प्रतिशत घटाउन आग्रह गरेपछि २८ हजार डलरमै चार्टर सेवा दिन लागिएको बुद्ध एयरले जानकारी दिएको छ ।
पर्यटन मन्त्रालका सहप्रवक्ता प्रमोद नेपालका अनुसार निजी क्षेत्रले भारतीय राष्ट्रपतिको चार्टर पाउनु भनेको निकै ठूलो ब्राण्डिङ हुनु हो ।
उनका अनुसार अन्तर्राष्ट्रिय अभ्यास सेनाबाट नै यो सेवा सुविधा हुने भएपनि नेपालमा आएका भारतीय राष्ट्रपतिलाई निजी क्षेत्रको बुद्ध एयरले दिने सेवा निकै सकारात्मक रहेको छ । अन्नपूर्ण पोस्टबाट ।
Copyright © 2024 Bikash Media Pvt. Ltd.
