काठमाडौं । उत्तर कोरियाको सरकारी मिडियाका अनुसार त्यहाँका शासक किम जोंग–उन लगभग २० दिनपछि बल्ल देखा परेका छन् । उक्त मिडियाका अनुसार किम आफ्नी बहिनी किम यो जोंग लगायत धेरै जना वरिष्ठ अधिकारीहरुका साथमा एउटा खाद बनाउने उद्योगको उद्घाटन गर्न पुगेका थिए ।

किमको उपस्थिती थियो भन्ने खालका तस्वीरहरु नबाहिरिएकोले गर्दा उक्त मिडियाको रिपोर्टलाई स्वतन्त्र रुपले पुष्टि भने गर्न सकिँदैन । गत अप्रिल १२ मा सार्वजनिक रुपमा देखापरेका किम त्यसपछि भने महत्वपुर्ण कार्यक्रमहरुमा पनि उपस्थित भएका थिएनन् ।

लामो समयसम्म नदेखिएका हुनाले उनको स्वास्थ्यको विषयलाई लिएर संसारभर विभिन्न अड्कलवाजीहरु शुरु भएका थिए ।