काठमाडौं । पछिल्लो २४ घण्टा यता थप १ हजार १६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयकाे नियमित प्रेस ब्रिफिङमा स्वास्थ्य तथा जनासंख्या मन्त्रालयका प्रवक्ता जागेश्वर गौतमले २४ घण्टामा नेपालमा १ हजार १६ जनामा कोराेना भाइरस देखिएको बताए ।

याे नेपालमा अहिलेसम्मकै एकैदिन देखिएकाे सबैभन्दा बढि संक्रमित संख्या हाे । १३ हजार ४ सय ६१ हजार जनाकाे परीक्षण गर्दा १ हजार १६ जनाकाे नतिजा पाेजेटिभ आएकाे हाे । याेसँगै नेपालमा काेराेना संक्रमितकाे संख्या २८ हजार २ सय ५७ जना पुगेकाे छ ।

हाल क्वारेन्टिनमा १३ हजार ९ सय २६ जना रहेका छन् भने आजसम्म ५ लाख ४२ हजार ८ सय ६६ जनाको पीसीआर विधिबाट परीक्षण भएको छ । आजसम्म कोरोना मुक्त हुनेको संख्या १७ हजार ५ सय ८० पुगेको छ भने आज थप ७ जनाकाे मृत्‍यु भएसँगै नेपालमा मृत्‍यु हुनेकाे संख्या ११४ पुगेकाे छ ।