काठमाडौं । काठमाडौं उपत्यकामा थप २ सय ९८ जनामा कोरोना देखिएको छ । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा. जागेश्वर गौतमले २४ घण्टामा उपत्यकामा २ सय ९८ जनामा काेरोना संक्रमण पुष्टि भएको बताएका हुन् ।

संक्रमितहरु काठमाडौंको १९०, ललितपुरको ६७ र भक्तपुरको ४१ जना रहेको गौतमले बताए । याेसँगै संक्रमितकाे संख्या काठमाडौंमा ४ हजार ५ सय २२, ललिपुरमा ६ सय ८५ र भक्तपुरमा ५ सय १७ जना पुगेकाे छ ।

आज देशभर ८ सय ९९ संक्रमित थपिएका छन् । योसँगै नेपालमा कूल संक्रमितको संख्या ३९ हजार ४ सय ६० पुगेको छ ।