काठमाडौं । नारायणी डेभलपमेन्ट बैंकले थप २०० प्रतिशत हकपद सेयर निष्काशन गर्ने भएको छ । हालै १०० प्रतिशत हकप्रद निष्काशनको लागि नेपाल धितोपत्र बोर्डको अनुमति पाएको बैंकले त्यसपछि पुनः २०० प्रतिशत हकप्रद जारी गर्ने प्रस्ताव गरेको हो ।

बैंकले गत पुस गते मात्रै चुक्ता पुँजीको शतप्रतिशत अर्थात एक बराबर एकको अनुपातमा हकप्रद सेयर जारी गर्न बोर्डको स्वीकृति पाएको थियो । जुन हाल निष्काशन हुने प्रकृयामा रहेको छ ।

१०० प्रतिशत हकप्रद निष्काशन पछि बैंकको चुक्ता पुँजी १३ करोड १२ लाख रुपैयाँ पुग्ने छ । उक्त पुँजीमा कम्पनीले पुनः २०० प्रतिशत अर्थात एक बराबर २ को अनुपातमा हकप्रद जारी गर्ने सञ्चालक समितिको विशेष प्रस्ताव रहेको छ ।

सञ्चालक समितिको विशेष प्रस्तावलाई बैंकको वार्षिक साधराणसभाले पारित गर्नुपर्ने छ । हकप्रद जारी पश्चात विकास बैंकको चुक्ता पुँजी ३९ करोड ३७ लाख रुपैयाँ पुग्ने छ ।

विकास बैंकको वार्षिक साधारणसभा आगामी माघ १६ गते हुने भएको छ । कम्पनीको १९ औं वार्षिक साधारणसभा सो दिन दिउँसो १ बजे चितवनका रत्ननगरस्थित स्टार ब्याङ्क्वेटमा हुने भएको छ ।

सभामा जाने प्रयोजनको लागि बैंकको आगामी पुस २९ गते एकदिन बुक क्लोज हुने भएको छ । यससँगै पुस २८ गतेसम्म कायम सेयरधनीहरू बैंककाे साधारणासभामा भाग लिन याेग्य हुने छन् ।

सम्बन्धित समाचार

नारायणी डेभलपमेन्ट बैंकले शतप्रतिशत हकप्रद जारी गर्ने, पायो बाेर्डकाे अनुमति

सम्बन्धित शिषर्कहरु

गोसाइँकुण्डमा २२ हजार पर्यटक, डेढ करोड बढी राजस्व संकलन

नेपाल ऋण लिने अवस्थामा छैन, बिआरआई सहमतिमा कार्यान्वयन गरिने

स्थानीय तहका रिक्त ४१ पदका लागि आइतबार मतदान हुँदै, सम्पूर्ण तयारी पूरा

विराटनगर किंग्स १२७ रन बनाएर अलआउट, गुप्टिलले सर्वाधिक ५५ रन जोडे

एनपीएल विजेताले १.११ करोड र उपविजेताले ५० लाख पाउने, उत्कृष्ट खेलाडीलाई ६२ लाखको कार

डाटा सेन्टर सञ्चालन गर्न गुगलले किन्यो फिनल्याण्डमा जग्गा