काठमाडौं । युट्युबले नयाँ कर नीति ल्याएको छ । नयाँ कर नीतिले युट्युवरको आम्दानी घटने भएको छ । यसले गर्दा धेरै क्रियटरहरु घाटामा पर्ने देखिन्छ । युट्युवले आउदो जून महिनादेखि अमेरिकी करको रुपमा २४ प्रतिशतसम्म कर काट्ने जानकारी गराएको छ । न्युयोर्क टाइम्स का अनुसार अमेरिका भन्दा बाहिरका युट्युबरहरुले कर तिर्नु पर्नेछ ।

युट्युबरले आवश्यक विवरण आउँदो मे ३१ सम्म बुझाइसक्नु पर्नेछ । यसको जानकारी बुझाएको खण्डमा गुगलले तपाईंको निर्धारित कर मात्रै कटौती गर्नेछ । इकोनोमिक्स टाइम्स का अनुसार यदि यो मितिभित्र करसम्बन्धी जानकारी नगराएमा युट्युबरलाई कुल आम्दानीको २४ प्रतिशत करको रुपमा काटेर रकम उपलब्ध गराइने जानकारी दिएको छ ।

युट्युबले लोकेसनका हिसाबले अमेरिकाका दर्शकको भ्युजबाट भएको आम्दानीको कर कटौती गर्न लागेको हो । अमेरिकाको आन्तरिक राजश्व नीतिको परिच्छेद ३ अनुसार अब युट्यबले अमेरिकाभन्दा बाहिरका युट्युबरबाट कर संकलन गर्न लागेको हो । नेपालले अमेरिकासँग दोहोरो कर सम्झौता गरेको छैन । यसले गर्दा युट्युबरहरुले दुवैतर्फ कर भुक्तानी गर्नुपर्ने अवस्था आउँछ।

युट्युबलाई करसम्बन्धी जानकारी नगराउँदा घाटा ब्योहोर्नु पर्नेछ । कर सम्बन्धी जानकारी नगराउँदा कुल आम्दानीको २४ प्रतिशत रोक्का कटौति गरिने छ ।

सम्बन्धित शिषर्कहरु

धनुषाको लक्ष्मीनिया गाउँपालिकाका वृद्धवृद्धाले असारदेखि पाएनन् सामाजिक सुरक्षा भत्ता

मौद्रिक नीतिको समीक्षा: पर्ख र हेरको रणनीतिमा

पशुपतिनाथको कवच, मुकुट, नागमणि र एकमुखे रुद्राक्ष प्रदर्शन

दुर्गा प्रसाईंमाथि अनुसन्धान गर्न फेरि ५ दिन म्याद थप

रवि लामिछानेको आजको बयान सकियो

नेपाल टेलिकमको एनटी क्रिकेट धमाका प्याक सार्वजनिक, ६९९ रुपैयाँमा ३०० जीबी डेटा