काठमाडौं । अब विद्युतिय प्रणाली मार्फत नयाँ प्रेस प्रतिनिधि प्रमाणपत्र बनाउने तथा नवीकरण गर्न सकिने भएको छ ।

सूचना तथा प्रसारण विभागले आईतबारदेखि नयाँ तथा पूराना प्रेस पास नवीकरण, अध्यक्ष तथा प्रकाशकको परिचयपत्र र अनलाइन सञ्चारमाध्यम दर्ता तथा नवीकरणका लागि अनलाइनबाटै निवेदन दिन सकिने व्यवस्था लागु गरेको हो ।

उक्त सेवाका लागि सेवाग्राहीले आवश्यक कागजात विभागको वेबसाइटमा गई सूचना व्यवस्थापन प्रणालीमा क्लिक गरी निवेदन दिन सक्नेछन् ।

अनलाइनबाट आवश्यक कागजातसहित प्रक्रिया पुरा गरी निवेदन दिएका सेवाग्राहीहरूले प्रेस प्रतिनिधि प्रमाणपत्र र अनलाइन सञ्चार माध्यम प्रमाणपत्र काठमाडौं उपत्यकाको हकमा भोलिपल्ट उपलब्ध गराइने विभागले जनाएको छ ।

साथै उपत्यका बाहिरका सेवाग्राहीको हकमा अनुकुलता र माग अनुसार विभाग वा सम्बन्धित जिल्ला हुलाक कार्यालयबाट उपलब्ध गराउने व्यवस्था गरिने विभागले जानकारी दिएको छ ।

अनलाइनबाटै नयाँ प्रेस प्रतिनिधि कार्ड बनाउन तथा नवीकरण गर्न, अनलाइन मिडिया दर्ता र नवीकरण गर्न सूचना व्यवस्थापन प्रणालीमा क्लिक गरेपछि ३ वटा विकल्प देखिनेछन् ।आफूलाई आवश्यक पर्ने सेवामा किल्क गरी निवेदन दिन सकिनेछ ।

सम्बन्धित शिषर्कहरु

जति बढी आम्दानी-त्यति बढी कर, कसरी गर्ने नीतिगत सुधार ?

आर्थिक स्थायित्व र वृद्धिको स्तम्भ बन्दै पुनर्बीमा

नेपाल डीपी लिमिटेड र लुम्बिनी लायन्सबीच साझेदारी

लक्ष्मी सनराइजको १५.७९ प्रतिशत लाभांश पारित, सबैभन्दा धेरै कम्पनीको सेयर निष्कासन गरेको दाबी

एडीबीबाट करिब १५ अर्ब रुपैयाँ ऋण स्वीकार गर्ने सरकारको निर्णय

एघार महिनामा १० लाख ५५ हजार विदेशी पर्यटक भित्रिए, मार्चमा मात्रै एक लाख २८ हजार