काठमाडौं । कोरोना भाइरस (कोभिड–१९) दोस्रो लहरका कारण बन्द रहेको नेपालको पहिलो केबुलकार मनकामना केबुलकार भाद्र २० गते आइतबारदेखि पुनः सञ्चालनमा आउने भएको छ ।

स्वास्थ्य सुरक्षा मापदण्ड अनुसार स्ट्याण्डर्ड अपरेटिङ प्रोसेडयुरपालनागर्दै स्वास्थ्य सुरक्षाको कडा नियमहरु अपनाउंदै केबुलकार सेवा सञ्चालनमा आउन लागेको सञ्चालक राजेशबाबु श्रेष्ठले बताए ।

उनका अनुसार संक्रमणलाई ध्यानमा राख्दै कम्पनीले नगदरहितकारोबारको लागि ई–सेवा, फोन–पे आदि जस्ता डिजिटलमाध्यमबाटै यात्रुले केबुलकारको टिकट खरिद गर्न सक्न व्यवस्था गरेको छ ।

त्यसैगरी, मनकामना केबुलकारले तल्लो स्टेशनमा सञ्चालन गरेको रेष्टुरेष्ट पनि आगामी आइतबारदेखि नै सञ्चालनमा ल्याउने जनाएको छ ।