२०७९ असार २९ गते १२:३० विकासन्युज
काठमाडाैं । ग्लोबल आइएमई लघुवित्त वित्तीय संस्थाले आफ्नो ५० वटा शाखा कार्यालयबाट छात्रवृत्ति वितरण कार्यक्रम सञ्चालन गरेको छ । असार २६ गते संस्थाको शाखाहरुमा छात्रवृत्ति कार्यक्रम सञ्चालन गरिएको विभागीय प्रमुख सुदिप आचार्यले जानकारी दिएका छन् ।
कार्यक्रममा ५० वटै शाखामा उत्कृष्ट अंक ल्याई वार्षिक परीक्षा उत्तीर्ण गर्ने जहेन्दार विधार्थीलाई ३० हजारका दरले जम्मा १५ लाख छात्रवृत्ति प्रदान गरिएको उनले जानकारी दिए ।
संस्थाले ग्राहक संरक्षण कार्यक्रम मार्फत सदस्यका छोरा छोरीहरु तथा गरिब जेहन्दार विद्यार्थीको शिक्षालाई प्रोत्साहित गर्न यस किसिमका कार्यक्रम सञ्चालन गर्दै आइरहेको आचार्यले बताए ।
संस्थाको मुख्य व्यवसाय अधिकृत यतिराज पौडेलका अनुसार हाल यस संस्थाको ११९ वटा शाखा कार्यालयमा १ लाख ४७ हजारभन्दा बढि सदस्य तथा ऋणी ७५ हजार ५ सयभन्दा बढि रहेका छन् भने ८ अर्ब ५० करोड कर्जा लगानी रहेकाे छ ।
Copyright © 2024 Bikash Media Pvt. Ltd.