काठमाडौं । नेपाल लघुवित्त बैंकर्स संघका महासचिव राम बहादुर यादवले लघुवित्त विरुद्धको संघर्ष समितिका संयोजक मनिराम ज्ञवाली वार्ताबाट भागेको बताएका छन् । लघुवित्त बैंकर्स संकको पत्रकार सम्मेलनमा बोल्दै महासचिव यादवले लघुवित्त विरुद्ध अराजक गतिविधि गर्दै आएका ज्ञवालीसँग पटक–पटक छलफलका लागि बोलाएको भएपनि भाग्ने गरेको बताएका हुन् ।

नेशलन माइक्रोफाइनान्सका प्रमुख कार्यकारी अधिकृत (सीईओ) समेत रहेका यादवले लघुवित्तकर्मीहरु आफूले गरेको गल्ति स्वीकार गर्न तयार रहेको बताउँदै सुधार गर्नु पर्ने सुझावहरु ल्याउन आग्रह गरे ।

‘मनिराम ग्यवालीसँग पटक पटक छलफल तथा वार्ताका लागि बोलायौं, चितवनमा महासचिव र अरु ब्यक्तिहरु आउनु भयो तर, मनिराम जी आउनु भएन, उहाँ सम्झौता गर्नबाट भाग्नु भयो,’ उनले भने, ‘लघुवित्त बैंकर्स संघले पटक पटक छलफल र सम्झौताका लागि आह्वान गरेको भएपनी भागी रहेका छन ।’

आफ्नो स्वार्थ पूरा गर्नका लागि ज्ञवालीले लघुवित्त विरुद्धको आन्दोलन गरिरहेको उनको भनाइ छ । उनले मनिराम ज्ञवालीको आन्दोलनले गरिबलाई झन गरिब बनाएको आरोप लगाए । साथै, लघुवित्त वित्तीय संस्थाको विकल्प लघुवित्त मात्रै रहेको उनको भनाइ छ ।

‘मनिराम ज्ञवालीको आन्दोलनले गरिबलाई झनै गरिब बनाएको छ, लघुवित्तको विकल्प लघुवित्त नै हो, अरु कोही हुन सक्दैन,’ उनले भने ।

सम्बन्धित शिषर्कहरु

प्रधानमन्त्रीको कम्बोडियामा लगानी छ भनेर बोल्नु गल्ति भएको दुर्गा प्रसाईंको स्वीकार

मौद्रिक नीतिको समीक्षा: पर्ख र हेरको रणनीतिमा

सामाजिक सञ्जालबाट भ्रम फैलाए कारबाही गर्ने गृहको चेतावनी

विदेशबाट एनईओ मार्फत पठाएको पैसा ज्योति विकास बैंकबाट झिक्न सकिने

महालक्ष्मी विकास बैंकको वातावरणमैत्री तथा सामाजिक उत्तरदायित्वका कार्यक्रम सम्पन्न

सुदूरपश्चिम रोयल्सको इन्स्योरेन्स पार्टनर सलिको, प्रतिव्यक्ति १० लाख बराबरको दुर्घटना बीमा