काठमाडौं । नेपाल पश्मिना उद्योग संघका अध्यक्ष धन प्रसाद लामिछानेले पश्मिना निर्यातमा पाउँदै आएको अनुदान रकमलाई बास्केट फण्डका रूपमा प्राप्त हुनुपर्ने बताएका छन् । आगामी आर्थिक वर्ष २०८१/८२ को बजेटमा अनुदान रकम अलग्गै बास्केटमा उपलब्ध हुनुपर्ने उनले माग गरे ।

उनले पश्मिना निर्यात गर्दा नगद प्रोत्साहन मात्रै नभई रिफाइनान्सिङको व्यवस्थालाई सहज बनाउनुपर्ने माग गरे ।

उनका अनुसार पश्मिना उद्योगबाट ५० हजारभन्दा बढीले रोजगारी पाएका छन् । नेपाल घुम्न आएका ८० प्रतिशत पर्यटकहरूले उपहार स्वरूप विदेश लैजाने सर्वाधिक लोकप्रिय वस्तु पश्मिना रहेको उनको भनाइ छ । जुन नेपालमै उत्पादन भइरहेको उनले बताए ।

‘डोल्पा, हुम्ला, जुम्ला, मुस्ताङमा भुवा संकलन गरेर पश्मिना उत्पादन हुन्छ । पश्मिना निर्यातित वस्तु भएकाले विशेदी मुद्रा आर्जन हुन्छ । र, अर्थतन्त्रमा टेवा पुर्याउँछ,’ उनले भने, ‘निर्यात गर्दा नगद प्रोत्साहन स्वरूप ५ प्रतिशत अनुदान दिएको छ । उक्त अनुदान रकम अलग्गै बास्केट भइदिए राम्रो हुने थियो ।’

सम्बन्धित शिषर्कहरु

जति बढी आम्दानी-त्यति बढी कर, कसरी गर्ने नीतिगत सुधार ?

आर्थिक स्थायित्व र वृद्धिको स्तम्भ बन्दै पुनर्बीमा

बैंकको ब्याज तिर्न सकिएन भन्दै सिमेन्ट उद्योगीले बढाए मूल्य, निर्माण व्यवसायी चिन्तित

लक्ष्मी सनराइजको १५.७९ प्रतिशत लाभांश पारित, सबैभन्दा धेरै कम्पनीको सेयर निष्कासन गरेको दाबी

एडीबीबाट करिब १५ अर्ब रुपैयाँ ऋण स्वीकार गर्ने सरकारको निर्णय

एघार महिनामा १० लाख ५५ हजार विदेशी पर्यटक भित्रिए, मार्चमा मात्रै एक लाख २८ हजार