काठमाडाैं । इटालीमा औद्योगिक उत्पादकको मूल्य लगातार छैठौं महिनामा पनि घटेको छ ।

इटालीको तथ्यांक निकायले जनाएअनुसार मुख्यतया ऊर्जा लागतमा निरन्तर कमीका कारण उत्पादकको मूल्य घटेको हो ।

इटालियन नेशनल इन्स्टिच्युट अफ स्ट्याटिस्टिक्सले औद्योगिक उत्पादकहरूको मूल्य अघिल्लो महिनाको तुलनामा अप्रिलमा ०.९ प्रतिशतले घटेको बताएको छ ।

इटालीमा समग्र मुद्रास्फीति अक्टोबर २०२३ देखि घटेको छ । यो गिरावट उत्पादकको मूल्यमा आएको गिरावटसँग व्यापक रूपमा आएको हो ।