काठमाडौं । नेपाल सिमेन्ट उत्पादक संघको अध्यक्षमा रघुनन्दन मारु निर्वाचित भएका छन् । संघको २०औं साधारणसभाले अध्यक्षसहित नयाँ कार्यसमिति सर्वसम्मत रुपमा चयन गरेको छ ।

संघको उपाध्यक्षमा डा. ताराप्रसाद पोखरेल र विकास दुगड चयन भएका छन् । महासचिवमा राजाराम खड्का निर्वाचित भएका छन् । तत्कालिन इन्टरनेशन डेभलपमेन्ट बैंकका प्रमुख कार्यकारी अधिकृत खड्का हाल कुमारी बैंकको सञ्चालक समिति सदस्य हुन् । उनी महाशक्ति सिमेन्ट लिमिटेडको प्रबन्ध निर्देशक हुन्।

नयाँ कार्यसमितिको कोषाध्यक्षमा अरुणकुमार कर्ण चुनिएका छन् । त्यस्तै, सदस्यहरूमा निपेश तायल, शोभाकर न्यौपाने, तेन्जिङ लाक्देन तामाङ, आदित्य सांघई, विष्णु अग्रवाल, नन्दी केशर पौडेल, केशव प्रसाद उप्रेती, हुवांग सी जुंग र अनिल रुगंटा छन् । राजन कुमार झा संघको आमन्त्रित सदस्यमा नियुक्त भएका छन् ।

संघको सल्लाहकार समूहमा पुरुषोत्तमलाल संघई, पशुपति मुरारका र साहिल अग्रवाल मनोनीत भएका छन् । कार्यसमितिमा निवर्तमान अध्यक्ष ध्रुब थापा छन् । नयाँ कार्यसमितिको कार्यकाल ३ वर्षको हुनेछ ।

नवनिर्वाचित अध्यक्ष मारुले सिमेन्ट उद्योगका क्षेत्रमा देखिएका समस्याहरु समाधान गर्न नयाँ कार्यसमितिले प्रभावकारी भूमिका खेल्ने प्रतिवद्धता व्यक्त गरे । चुनढुंगा उत्खनन्, वन, विद्युत्, बैंकिङ, बीमा, श्रम तथा स्थानीय निकायसँग सम्बन्धित समस्याहरु समाधान गर्न नयाँ कर्यासमितिले तत्काल पहल गर्ने उनले बताए ।

सम्बन्धित शिषर्कहरु

भिभो बन्यो एनपीएलको आधिकारिक स्मार्टफोन साझेदार

मौद्रिक नीतिको समीक्षा: पर्ख र हेरको रणनीतिमा

जनकपुर बोल्ट्स र नेपाल सेरामिक इण्डस्ट्रीबीच डेकोर पार्टनरमा सम्झौता

जाडो मौसममा लगाउनुहोस् यी जुत्ता, तातोसँगै देखिनेछ स्टाइलिस

सामाजिक सञ्जालबाट भ्रम फैलाए कारबाही गर्ने गृहको चेतावनी

सुदूरपश्चिम रोयल्सको इन्स्योरेन्स पार्टनर सलिको, प्रतिव्यक्ति १० लाख बराबरको दुर्घटना बीमा