बारामा १३ सय ४३ साना उद्योग दर्ता, साढे ९६ लाख राजस्व संकलन
२०८१ भदौ २ गते १७:५४ विकासन्युज
फाइल फोटो
बारा । घरेलु तथा साना उद्योग कार्यालय, बारामा आर्थिक वर्ष २०८०/८१ मा जम्मा १ हजार ३ सय ४३ वटा साना तथा घरेलु उद्योग दर्ता भएका छन् ।
२ अर्ब २२ करोड १७ लाख ८८ हजार ६ सय २७ रुपैयाँ कुल पुँजीको लागतमा सञ्चालित सो उद्योगको ३ अर्ब ४६ करोड ३ लाख ५५ हजार वार्षिक उत्पादन क्षमता भएको कार्यालय प्रमुख धर्मेन्द्रलाल कर्णले जानकारी दिए ।
नयाँ तथा पुरानो गरी हालसम्म दर्ता भएका वाणिज्यतर्फका १ हजार ३ सय ९६ वटा र साना घरेलुतर्फका १ हजार १७ वटासमेत गरी २ हजार ४ सय १३ रहेका छन् । यसमध्ये वाणिज्यतर्फ २ सय २९ र साना उद्योगतर्फ १ सय ६० गरी ३ सय ८९ वटाले लगत कट्टी गरेको कार्यालयले जनाएको छ ।
बाराका घरेलु तथा साना उद्योग कार्यालयले ती उद्योगहरूबाट जम्मा ९६ लाख ४५ हजार दुई सय ५० राजस्व संकलन गरेका कर अधिकृत उपेन्द्र यादवले जानकारी दिए ।
कार्यालय प्रमुख धर्मेन्दलाल कर्णका अनुसार दर्ता भएका ती उद्योगमा हाल १ हजार ५ सय ४१ जनाले रोजगारी पाएका छन् ।
सम्बन्धित शिषर्कहरु
लोकप्रिय
- १६ बैंकका कर्मचारीको तलब बढ्यो, २ बैंकको अर्ब नाघ्यो
- ३ विकास बैंक र २ फाइनान्सलाई शीघ्र सुधारात्मक कारबाही, समस्या बढ्दा राष्ट्र बैंक चिन्तित
- नेपाल धितोपत्र बोर्डको अध्यक्ष बने सन्तोष नारायण श्रेष्ठ, को हुन् उनी ?
- नेप्सेमा साढे ३ अर्ब रुपैयाँको बोनस सेयर सूचीकृत
- मौद्रिक नीतिको त्रैमासिक समीक्षा शुक्रबारसम्म सार्वजनिक हुने, के हुँदैछ परिवर्तन ?
फेसबुक
Copyright © 2024 Bikash Media Pvt. Ltd.