काठमाडौं । परराष्ट्र मन्त्रालयका सहसचिव अमृत बहादुर राई सचिवमा बढुवा भएका छन् । मंगलबार बसेको मन्त्रिपरिषदको बैठकले सहसचिव अमृतबहादुर राईलाई सचिवमा बढुवा गर्ने निर्णय गरेको हो ।

गत साउन महिनामा मन्त्रालयकी तत्कालीन सचिव सेवा लम्साल बेल्जियमका लागि नेपाली राजदूत सिफारिस भएकी थिइन् । त्यससँगै पराराष्ट्र मन्त्रालय सचिवविहिन बनेको थियो ।

लगत्तै कायम मुकायम सचिवको जिम्मेवारी राईले सम्हाल्दै आएका थिए । उनै राईलाई मन्त्रिपरिषदले सचिवमा बढुवा गरेको हो ।