काठमाडौं । चिनियाँ अटो निर्माता बीवाईडीले सन् २०२४ मा ७७७ अर्ब युआन (१०७ अर्ब डलर) को वार्षिक आम्दानी रिपोर्ट गरेको छ । यसले अमेरिकी प्रतिद्वन्द्वी टेस्लालाई पछि पार्दै प्रतिस्पर्धा अझ तीव्र बनाएको छ ।

सोमबार प्रकाशित फाइलिङअनुसार बीवाईडीले अघिल्लो वर्षको तुलनामा २९ प्रतिशत आम्दानी वृद्धि गरेको छ । जुन वृद्धि कम्पनीको हाइब्रिड गाडीको उच्च बिक्री हो । यो संख्या टेस्लाको ९७.७ अर्ब वार्षिक आम्दानीभन्दा बढी छ ।

बीवाईडीका अध्यक्ष तथा अध्यक्ष वाङ चुआनफु ले सन् २०२४ को तीव्र विकासको प्रशंसा गर्दै भने, ‘बीवाईडी संसारको पहिलो अटोमेकर बन्यो जसले १० मिलियन नयाँ ऊर्जा गाडी उत्पादन गर्ने महत्त्वपूर्ण उपलब्धि हासिल गर्‍यो ।’

‘बीवाईडीले ब्याट्री, इलेक्ट्रोनिक्सदेखि नयाँ ऊर्जा गाडीहरूसम्म प्रत्येक क्षेत्रमा नेतृत्व गर्दै विदेशी ब्रान्डहरूको प्रभुत्व तोडेको छ र विश्व बजारको नयाँ परिदृश्य पुनःपरिभाषित गरेको छ,’ उनले थपे ।

 

यो फाइलिङ बीवाईडीले नयाँ ब्याट्री प्रविधि घोषणा गरेपछि आएको हो, जसले ईभी गाडीहरूलाई पेट्रोल गाडी जति छिटो चार्ज गर्न सक्ने दाबी गरेको छ ।

गत हप्ता बीवाईडीले नयाँ ‘सुपर ई-प्लेटफर्म’ सार्वजनिक गर्दै मात्र पाँच मिनेटको चार्जमा ४०० किलोमिटर (लगभग २४९ माइल) दूरी गुड्न सक्षम हुने बताएको थियो।

विश्लेषकहरूले बीवाईडीको नयाँ ब्याट्री प्रविधि ’अविश्वसनीय’ भन्दै ईभी मालिकहरूको व्यवहारमा ठूलो परिवर्तन ल्याउन सक्छ भन्ने सुझाव दिएका छन् ।

बीवाईडीको हङकङ सूचीबद्ध सेयर यो वर्ष हालसम्म ४६ प्रतिशतले बढेको छ । त्यसैगरी, टेस्लाको सेयर भने ३१ प्रतिशतभन्दा बढीले घटेको छ, जसको कारण विश्वभर उपभोक्ताको असन्तुष्टि, बिक्रीमा गिरावट र एलन मस्कको कठोर रूढीवादी राजनीतिक छवि रहेको बताइन्छ ।

ट्रम्पको ट्यारिफ असर : क्यानडामा टेस्लाका लागि सबै छुट भुक्तानीहरू रोक्का

बीवाईडीले ल्यायो सुपर चार्जिङ ईभी प्रविधि, ५ मिनेटको चार्जमै ४०० किलोमिटर यात्रा

युरोपमा तेस्रो प्लान्ट बनाउनेबारे विचार गर्दै बीवाईडी

मस्कलाई ट्रम्प प्रशासन घाँडो, वाशिंगटन प्रवेशसँगै टेस्लाका सेयर घट्दै