काठमाडौं । गत शुक्रबारबाट सुरु भएको महिन्द्राका भेहिकलहरुको एकल लाईफ स्टाईल अटो शो ‘महिन्द्रा उदय’ आज आइतबार बेलुका समापन भएको छ । अबलोकनकर्ताको निकै उत्साहजनक सहभागिता रहेको उक्त मेलामा कम्पनीले आफ्ना सबै ३० भन्दा बढी भेहिकल प्रदर्शनीमा राखेको थियो ।

उक्त मेलामा महिन्द्राका पछिल्लो उत्पादन कम्प्याक एसयूभी एक्सयूभी ३०० तथा एमपीभी मराजो सँगै अन्य ४ नयाँ मोडल सार्वजनिक गरेको थियो ।

‘नेपालमै पहिलो पटक भएको बृहद एकल ब्राण्डको प्रदर्शनीमा जसरी अबलोकनकर्ता आउनु भयो, ब्रान्ड, गाडी, म्युजिक र खानाको स्वादसँग रमाउनु भयो यसले हाम्रो मेला निकै सफताका साथ पुरा भएको छ’ महिन्द्राको आधिकारीक वितरक अग्नी इन्कर्पोरेटका मार्केटिङ मेनेजर सिजन न्यौपानेले बताए ।

यो प्रदर्शनीमा बिक्री भन्दा पनि महिन्द्राको सबै रेन्ज तथा महिन्द्रा केहो भन्ने कुरामा फोकस गरिएको थियो । मेलामा एसयूभीहरु, इलेक्ट्रीक भेहिकलहरु, दुई पाङ्ग्रेमा मोटरसाईकल तथा स्कुटर, हेभी इक्युपमेन्टहरु, कृषिमा प्रयोग हुने ट्रायाक्टरहरु, जेनेरेटरका साथै हेवी तथा लाईट कमर्शियल भेहिकलहरुमा अबलोकनकर्ताले निकै चासो देखाएका थिए ।

मेला अवधिभर नयाँ दुई गाडी मराजो र एक्स्यूभी–३०० मा धेरैले चासो देखाएका थिए । महिन्द्राकालागि नेपालको आधिकारीक वितरक अग्नी इन्कर्पोरेट, एमभी दुगड, श्वराजपार्टनर र महिन्द्रा एन्ड महिन्द्रा लिमिटेडले संयूक्त रुपमा यो लाइफ स्टाइल एन्ड अटो शो को आयोजना गरेकोे हो ।

सम्बन्धित शिषर्कहरु

कुथेली बुखरी हाइड्रोपावरको लाभांश घोषणा

सुनको मूल्य २ हजार ६ सय रुपैयाँले घट्यो, प्रतितोला कतिमा हुँदैछ कारोबार ?

झन् सशक्त बन्दै बीवाईडी, अर्को वर्ष नयाँ पुस्ताको ब्लेड ब्याट्री लन्च गर्ने

पूर्वीनाकाबाट कृषि वस्तुको आयातभन्दा निर्यात बढी, ७ अर्बको कृषि बाली भारत निर्यात

गार्डियन माइक्रोले मंसिर १९ गतेदेखि आईपीओ बिक्री खुला गर्ने, कसले आवेदन दिन पाउँछ ?

१ हजार करोडको विकास ऋणपत्र जारी गर्दै सार्वजनिक ऋण व्यवस्थापन कार्यालय