काठमाडाैं । काठमाडौं महानगरपालिकाले आर्थिक वर्ष २०७५/७६ मा चलचित्र घरले बुझाउनु पर्ने मनोरञ्जन कर बापतको बक्यौता भुक्तानीका लागि १५ दिने सूचना प्रकाशन गरेको छ ।

चलचित्र घरलाई बारम्बार जानकारी दिँदै आएता पनि आर्थिक वर्ष २०७५/७६ मा मनोरञ्जन करबापत दर्शकबाट संकलन गरेको कर हालसम्म पनि स्थानीय सरकारलाई  नबुझाएको र १५ दिन भित्रमा बिक्री गरेको टिकटको विवरणसहित बक्यौता कर तिर्न काठमाडौं महानगरले सूचना प्रकाशित गरेको छ ।

कर भुक्तानी नगरेमा कानुन अनुसार कारबाही गरिने महानगरपालिकाले सूचनामा उल्लेख गरेको छ । हाल नेपाल भरि १८५ चलचित्र घर रहेको भने प्रदेश काठमाडौं उपत्यका मात्र करिब ६० वटाभन्दा बढी हल रहेको नेपाल चलचित्र विकास बोर्डले जानकारी दिएको छ । उपत्यका भित्र रहेका अधिकांश चलचित्र घरहरु काठमाडौं महानगरमा रहेको बोर्डले जनाएको छ ।

प्रदेश ३ को आर्थिक ऐन २०७६ ले व्यवस्था गरेबमोजिम चलचित्र प्रदर्शन गर्दा प्रतिटिक बिक्रीमा आउनु मनोरञ्जन करबापत ५ प्रतिशत रकम बुझाउन महिना समाप्त भएको २५ दिनभित्र बुझाइसक्न पर्ने महानगरपालिको निर्देशन गरेकाे थियाे । महानगरपालिकाले प्रदेश ३ को आर्थिक ऐन २०७६ ले व्यवस्था गरेबमोजिम चलचित्र प्रदर्शन गर्दा प्रतिटिकट बिक्रीमा मनोरन्जन करबापत लिइएको ५ प्रतिशत हुन आउने रकम बुझाउनु पर्नेछ ।

सम्बन्धित शिषर्कहरु

१० ठूला वाणिज्य बैंकको लेखापरीक्षण गराउन राष्ट्र बैंकले फेरि अघि बढायो प्रक्रिया

सेयर बजारमा ४ अर्ब बढीको कारोबार, ५ कम्पनीमा सकारात्मक सर्किट

रविविरुद्ध तीनवटा बेग्लाबेग्लै कसूरमा मुद्दा दर्ता, करिब २८ करोड बिगो दाबी

नेपालले तिर्न बाँकी सार्वजनिक ऋण २५ खर्ब नजिक

‘अचम्मै पो भो ! हिउँ नै परेन’

अमेरिकी कम्पनी हेल्थ एलायन्स ग्रुप इंकमा रिलायन्सको ४५ प्रतिशत सेयर