काठमाडौं । आरएमडीसी लघुवित्त वित्तीय संस्थाले सेयरधनीलाई २५ प्रतिशत लाभांश दिने घोषणा गरेको छ । संस्थाले गत आर्थिक वर्षको नाफाबाट सेयरधनीलाई १२.५ प्रतिशत बोनस र १२.५ प्रतिशत नगद गरी सो मात्राको लाभांश दिने प्रस्ताव गरेको छ ।

सञ्चालक समितिले प्रस्ताव गरेको उक्त लाभांशदर अघिल्लो वर्षको भन्दा ५ प्रतिशत बढी हो । संस्थाले अघिल्लो वर्ष १० प्रतिशत बोनस र १० प्रतिशत नगद लाभांश(बराबर) दिएको थियो ।

कात्तिक ७ गते बिहान बसेको सञ्चालक समितिको बैठकले गत आर्थिक वर्षको नाफाबाट हालको सेयरधनीलाई चुक्ता पुँजीको सो मात्राको लाभांश दिने प्रस्ताव गरेको हो । उक्त प्रस्ताव नेपाल राष्ट्र बैंकले स्वीकृति तथा संस्थाको आगामी साधारणसभाले पारित गरेपछि मात्रै सेयरधनीले सो मात्राको लाभांश पाउने छन् ।

हाल संस्थाको चुक्ता पुँजी ७९ करोड ९३ लाख रुपैयाँ रहेको छ । १२.५ प्रतिशत बोनस पश्चात संस्थाको चुक्ता पुँजी ८९ करोड ९३ लाख रुपैयाँ(अर्थात करिब ९० करोड रुपैयाँ) नाघ्ने छ ।

सम्बन्धित शिषर्कहरु

५ ठाउँको घर खाली गर्न बेष्ट फाइनान्सको ताकेता

महालक्ष्मी बैंक र एनसीएचएलबीच सम्झौता, अलिपे प्लसमार्फत अन्तरदेशीय क्युआर पेमेन्ट गर्न सकिने

गरिमा विकास बैंक र फेडेरसन अफ इलेक्ट्रिक इन्टरप्रेनर्स अफ नेपालबीच सम्झौता

हिमालयन क्यापिटलको ७ प्रतिशत लाभांश पारित

कर्जा सुरक्षण कोष र जीवन विकास लघुवित्तबीच सम्झौता पत्रमा हस्ताक्षर

यी हुन् सेयर मूल्य २ हजार रुपैयाँ भन्दा बढी भएका १८ कम्पनी