काठमाडौं । सूर्योदय लघुवित्त वित्तीय संस्थाले सेयरधनीलाई ४६.८५ प्रतिशत लाभांश दिने भएको छ । संस्थाले शेयरधनीलाई गत आर्थिक वर्षको नाफाबाट ४४.४८ प्रतिशत बोनस शेयर र २.३४ प्रतिशत नगद गरी सो मात्राको लाभांश दिने प्रस्ताव गरेको हो ।

उक्त प्रस्ताव संस्थाको संचालक समितिको बैठकले गरेको हो । बैठकको प्रस्तावलाई नेपाल राष्ट्र बैंकले स्वीकृत तथा संस्थाको आगामी साधारणसभाले पारित गर्नुपर्ने छ ।

साथै, सभाले सूर्योदय लघुवित्त वित्तीय संस्था र त्रिलोक लघुवित्त वित्तीय संस्था एक आपसमा गाभिए पश्चात बन्ने लघुवित्त वित्तीय संस्था ‘सूर्योदय लघुवित्त वित्तीय संस्था लिमिटेड’ गरि सो नामबाट वित्तीय कारोबार गर्ने संचालक समितिको प्रस्तावलाई पारित गर्ने भएको छ । मर्ज पश्चात सेयर आदान प्रदान अनुपात एक बराबर ०.९७ निर्धारण गरिने संस्थाले जनाएको छ ।

हाल संस्थाको चुक्ता पुँजी १० करोड ५९ लाख रुपैयाँ रहेको छ । ४४.४८ प्रतिशत बोनस शेयर पछि लघुवित्तको चुक्ता पुँजी १५ करोड ५९ लाख रुपैयाँ पुग्ने छ । त्रिलोक लघुवित्त वित्तीय संस्थाको हाल कायम चुक्ता पुँजी ६ करोड ९ लाख रुपैयाँको शेयर स्वाप रेसियो(१ः०.९७) बाट चुक्ता पुँजी ५ करोड ९१ करोड रुपैयाँ गरि कूल २१ करोड ५० लाख रुपैयाँ कायम हुने छ । त्यसपछि उक्त पुँजीको शतप्रतिशत हकप्रद सेयर जारी गरी ४३ करोड रुपैयाँ चुक्ता पुँजी पुर्याउने संस्थाले जनाएको छ ।

संचालक समितिको प्रस्ताव पारित गर्न संस्थाले आगामी पुस ५ गते वार्षिक साधारणसभा बोलाएको छ ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै