काठमाडौं । बीमा कम्पनीले बिहीबारको शेयर बजार उचालेका छन् । जीवन र निर्जीवन बीमा दुबै समूह त्रिपल डिजीटले उकालो लाग्दा नेप्से परिसूचक दोहोरो अंकले उकालो लागेको छ । बिहीबार सबैभन्दा बढी निर्जीवन बीमा समूह ३३२ अंकले बढेको छ भने जीवन बीमा समूह २७८ अंकले उकालो लागेको छ ।

समग्रमा बिहीबारको परिसूचक ११.१७ अंकले उकालो लागेर ११७२.६४ अंकमा पुगेको छ । जुन अघिल्लो कारोबारको तुलनामा ०.९६ प्रतिशत बढी हो ।

बजारमा परिसूचक मात्र नभई शेयर कारोबार रकममा पनि उच्च सुधार भएको छ । बिहीबारको बजारमा कूल ७६ करोड ४० लाख रुपैयाँ बराबरको शेयर कारोबार भएको छ । जुन बुधबारको तुलनामा २१ करोड २६ लाख रुपैयाँले बढी हो । बुधबारको बजारमा ५५ करोड १३ लाख रुपैयाँ बराबरको शेयर कारोबार भएको थियो ।

बिहीबारको बजारमा १६८ कम्पनीको २१ लाख २ हजार ०६१ कित्ता शेयर किनबेच भएका छन् । जसमध्ये स्वावलम्बन लघुवित्त वित्तीय संस्थाको ८ करोड २८ लाख रुपैयाँ बराबरको शेयर कारोबार भएको छ । त्यस्तै, डिप्रोक्स लघुवित्त वित्तीय संस्थाको ४ करोड, एनएमबि बैंकको ३ करोड ७६ लाख र नेपाल लाइफ इन्स्योरेन्स कम्पनीको ३ करोड ६६ लाख रुपैयाँ बराबरको शेयर खरिद बिक्री भएका छन् । बुधबारको जस्तै बिहीबारको बजारमा पनि बढी कारोबारको गर्नेको टप टेनको लिष्टमा १० वटै कम्पनीको एक करोडभन्दा माथिको शेयर किनबेच भएको छ ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै