काठमाडौं । लकडाउनसँगै टेलिभिजनको प्रयोग बढेको छ । टेलिभिजनको बन्द पर्दाहरु खुल्न थालेका छन् । निष्क्रिय भएका टेलिभिजन चानल सक्रिय भएका छन् । टेलिभिजन उपभोक्ताहरुको रिर्चाज बढ्दो छ ।

यहि समयमा प्रभु टिभीले पनि आफ्ना सेवाहरु अझ प्रभावकारी बनाएको उक्त कम्पनीको सेल्स एण्ड मार्केटिङ म्यानेजर गंगा गौतम बताउँछन् । ‘६ महिनाको रिर्चाज गर्दा एक महिना बोनस र १२ महिनाको रिर्चाज गर्दा २ महिनाको बोनस उपभोक्तालाई दिएका छौं’ उनले भने ।

यसको अर्थ प्रभु टिभीका ग्राहकले ६ महिनाको रिचार्ज गर्दा ७ महिनको सुविधा पाउनेछन् भने १२ महिनाको रिचार्ज गर्दा १४ महिनाको सुविधा पाउने व्यवस्था गरिएको छ । २०७७ जेठ ३० गतेसम्म रिचार्ज गर्नेहरुले यो सुविधा पाउने कम्पनीले जनाएको छ । ६ महिनाको रिचार्ज शुल्क १६ सय रुपैयाँ तथा १ वर्षको गर्दा ३ हजार रुपैयाँ लाग्ने गरी अतिरिक्त छुट पनि दिएको गौतमले बताए ।

‘अरु टिभीको तुलनामा प्रभु टिभी निकै सस्तो छ । प्रभु टिभी रिचार्जको शुल्क प्रति महिना ३ सय रुपैयाँ रहेको छ’ उनले भने–‘अन्यबाट एचडी क्वालिटीको टिभी हेर्न हेर्न मासिक शुल्क ९ सय रुपैयाँसम्म तिनुपर्छ ।’

धेरै च्यानल

अरुमा भन्दा प्रभु टिभीमा बढी च्यानल हेर्न पाइन्छ । काठमाडौंमा मात्रै हाम्रो १ सय २५ वटा च्यानल रहेका छन् । सो संख्यामा ५० भन्दा बढी एचडी च्यानल नै रहेका छन् । एचडी च्यानल प्रसारणमा अरु टिभीभन्दा प्रभु टिभी अगाडि रहेको गौतमले बताए ।

टेलिभिजनको भिडियो क्वालिटीका आधारमा मुलतः एचडी र एसडी क्वालिटी हुन्छ । एचडी भन्नाले हाई क्वालिटि च्यानल बुझ्नु पर्छ । एसडी च्यानल ग्राहकले निःशुल्क हेर्न सक्छन् । यसको कारण चाहि एसडी च्यानल चाहिँ हावाकै सहायताले चल्न सक्छ ।

रिचार्ज गर्न सजिलो

गौतमका अनुसार कुनै पनि ग्राहकले प्रभु टिभीको रकम भुक्तानी गर्न चाहेमा २ वटा विधि प्रयोग गर्न सक्ने छन् । एउटा भनेको फिजीकल (काजगी) रिचार्ज कार्ड मार्फत भुक्तानी गर्ने हो भने अर्को डिजिटल तरिकाबाट गर्न मिल्छ ।

‘अहिले प्रभु टिभीका ग्राहकहरुले प्रभु–पे, ई–सेवा मार्फत रिचार्ज गर्न सक्छन् । यस्तै, आईएमई पे तथा खल्ती जस्ता एपबाट पनि भुक्तानी हुने व्यवस्था तल्कालै मिलाउन हामी लागिरहेका छाैं’ उनले भने ।

अहिलेको लक डाउन अवधिमा ग्राहकहरुले आफ्नोमा रिचार्ज सकिएको जानकारी दिएमा कम्पनीले १ देखि २ हप्तासम्मको रिचार्ज गरि दिदै आएको उनले बताए । उक्त रकम ग्राहकले लक डाउनपछि रिचार्ज गर्दा काटिन्छ ।

एनसेलको सिम प्रयोगकर्ताले प्रभु टिभी एक महिनासम्म निःशुल्क पाउने अफर पनि ल्याएको छ । जसका लागि एनसेलका प्रयोगकर्ताले प्रभु टिभीको वालेटमा गई प्रभु टिभी ओटीटी एप डाउनलोड गर्नु पर्नेछ । सो एपमा नेपाली च्यानलहरु सहित विश्वभरका सबै किसिमका १ सय ५० वटा च्यानलहरु एचडी क्वालिटीमा हेर्न सकिन्छ ।

प्रभु टिभीको पहुँच

२०७५ साल असार महिनाबाट सेवा शुरु गरेको प्रभु टिभीले आफ्नो पहुँच देशभर पुर्याउने लक्ष्यका साथ काम गरिरहेको छ । हाल काठमाडौं, चितवन, पोखरा र भेडेटारमा स्टेशन राखेको छ । काठमाडौ, पोखरा, रुपन्देही, कपिलवस्तु, नवलपरासी, चितवन, बारा, पर्सा, रौतहटबाट प्रभु टिभी हेर्न सकिन्छ । यस्तै, सर्लाही, धनुषा, महोत्तरी, झापा, मोरङ्, सुनसरीमा पनि प्रभु टिभी संचालनमा आईरहेको छ । प्रभु टिभीको ग्राहक १ लाख २० हजार पुगेको उनले जानकारी दिए ।

गौतमका अनुसार प्रभु टिभीमा ग्राहकहरु डिलर तथा सब डिलर मार्फत जोडिन सक्छन् । अहिले हाम्रो काठमाडौं जिल्लाभरीमा ४ वटा डिलर छ । यस्तै, भक्तपूर तथा ललितपूरमा एउटा–एउटा डिलर रहेको छ । यसरी काठमाडौ उपत्यकाको हकमा मात्रै हाम्रो डिलर संख्या ६ वटा रहेको छ ।

साथै, डिलरको अण्डरमा सब डिलर तथा सब डिलरको अण्डरमा पोेइन्टहरु स्थापना गरी हामीले काम गर्दैछाँै । अन्य जिल्लाको डिस्ट्रव्यूशन संरचना पनि यस्तै छ ।

प्राविधिक समस्या

‘हामी कहाँ प्रभु दोहोरी च्यानल छ । त्यसमा हामीले सबै टेक्निसियन, कल सेन्टरदेखि आवश्यक पर्नेहरुको सम्पर्क नम्बरहरु राखेका छौँ । सोही कारण जुन ग्राहकको सेवामा समस्या आउँछ त्यस्ता ग्राहकले हामीलाई सिधै सम्पर्क गर्न सक्नेछन् । हामीले ग्राहकका समस्या तत्काल समाधान गर्नुपर्छ भन्ने विश्वास गछौँ’ गौतमले भने ।

‘सेवा अवरुद्ध भएको अवस्थामा हामीले बक्समा रहेको भिएसिआईडी कोडलाई आधार बनाएर काम गछौँ । सबै प्राविधिक कुरा ठिक भएको अवस्थामा हामीले ग्राहकलाई नै निर्देशन दिएर आफ्नो समस्या आफै समाधान गर्न सघाउँदै आएका छौँ । तर समस्या केही जटिलनै देखियो भने पास भएको गाडी मार्फत ग्राहकको घरमा नै गएर समस्या समाधान गछौँ’ उनले भने ।

प्राविधिक रुपमा नै जटिल समस्या आएर कम्पनीले आफ्ना स्टाफलाई ग्राहकको घरमा नै पठाउनु पर्ने स्थिति त अहिले कम नै छ । अहिले ग्राहकहरुमा त्यस किसिमको जटिल समस्या करिब ५ प्रतिशत मात्रै आउँने गरेको उनले बताए ।

नयाँ प्रविधि

प्रभु टिभी भनेको डिभिबि टी२ फ्रिक्वेन्सि बेस्ड टेलिभिजन हो । दक्षिण एशियामै पछिल्लो प्रविधि युक्त टिभीका भएको कम्पनीको दावी छ ।

पहिले डिभिडी टि२ प्रविधि प्रयोगमा थियो । हामीले संचालनमा ल्याएको प्रभु टिभी टेलिभिजन जगतको सबैभन्दा पछिल्लो तथा भरपर्दो प्रविधि हो ।

फ्रिक्वेन्सीबाट भिजुअल पठाएर टिभी नै हेर्न मिल्ने विषेशता प्रभु टिभीमा छ । यसअघि टेलिभिजन हेर्न सेटेलाईटको प्रयोग अनिवार्य थियो । तर प्रभु टिभीले हाल संचालन गरि रहेको प्रविधि सेटेलाईट बेस्ड होइन ।

प्रभु टिभीको विशेष सुविधा भनेको मोवाइलबाट पनि हेर्न मिल्छ । हरेक परिवारमा टिभी सेट एउटा मात्र हुन्छ । एकधा परिवारमा मात्र एक भन्दा बढी टिभी सेट राखिएको पाइन्छ ।

तर परिवारमा ४/५ जना हुन्छन् । फरक फरक व्यक्तिको रुचि फरक हुन्छ । एक जनालाई समाचार हेर्न मन लागेको होला । अर्कोलाई खेलकुद हेर्न मन लागेको होला । अर्कोलाई टेलिसिरियल हेर्न मन लागेको होला । अर्कोलाई रियालिटी शो हेर्न मन लागेको होला । सबैलाई एउटा÷एउटा टिभी हुँदैन ।

तर अहिले धेरै मानिसको घरमा इन्टरनेट छ । सबैको घरमा हरेक व्यक्तिसँग स्मार्ट फोन छ । इन्टरनेटको प्रयोग गरेर सबैले आफ्नो मोवाइल, ल्यापटप, ट्याव वा अन्य ग्याजेटको प्रयोग गरी टिभी हेर्न सकिन्छ । यस्तो सुविधा प्रभु टिभीले मात्र दिएको छ । आधुनिक सुविधा, गुणस्तरीय सेवा, जोड्न सजिलो, एक ठाउँबाट अर्को ठाउँमा सार्न सजिलो, शुल्क पनि सस्तो भएकोले प्रभु टिभी प्रति उपभोक्ताको आकर्षण बढ्दो रहेको गौतमले बताए ।

सम्बन्धित शिषर्कहरु

सुनको मूल्य तोलामा १६ हजार रुपैयाँ घट्यो

तस्करी बढ्ने देखिएपछि सुनचाँदीको भन्सार दर घटाइयो

बैंकिङ क्षेत्रको कुल सम्पत्ति १०६ खर्ब पुग्यो, विकास बैंकभन्दा बीमाको बढी

अमेरिकी प्रतिबन्धसँग निडर हुवावे : एक वर्षभित्र हार्मोनी ओएसमा १ लाख एप्स पुर्‍याउने

कृषि बीमासम्बन्धी नयाँ कार्यविधिमा देखियो छिद्र, यसरी हुनसक्छ अनुदानको चरम दुरुपयोग

बैंकिङ क्षेत्रमा थपिए कर्जाका १९ हजार नयाँ ग्राहक, कहाँ गए विकास बैंकका १ हजार ४३१ ऋणी ?