काठमाडाैं । राष्ट्रिय व्यवसायिक पहल (एनबीआई)ले सम्पूर्ण उद्यम व्यवसाय क्षेत्रलाई जिम्मेवार भई व्यवसाय सञ्चालन गर्न  आग्रह गरेकाे छ । हालको यस विषम परिस्थितिमा समाज र मुलुक प्रति जिम्मेवार भई न्युनत्तम व्यवसायिक आचार संहिता भित्र रही आफनो व्यवसायिक जिम्मेवारीलाई ईमान्दारीताका साथ निर्वाह गर्न गराउन उद्यम व्यवसाय क्षेत्रलाई एनबीआईले आग्रह गरेकाे हाे ।

जोखिम न्यूनीकरणका निम्ति सरकारले अवलम्वन गरेका विविध उपायहरुको बावजुद संक्रमणको दर तिव्र गतिमा बढदै जांदा थप सन्त्रास र अन्यौलता सिर्जना हुँदै गईरहेको एनबीआईले जनाएकाे छ । त्यसैले, सम्पूर्ण उद्यमी व्यवसायी, आम-उपभोक्ता सबैले स्वास्थ्य सुरक्षा सम्बन्धी निर्धारित मापदण्डको पुर्ण पालना गरी सुरक्षित समाज निर्माणका लागि आ-आफनो जिम्मेवारीलाई अगाडी बढाउन एनबीआईले सरोकारवाला सबैसंग आग्रह गरेकेा छ ।

केहि व्यवसायिक फर्म तथा कम्पनीबाट मानव जीवन र स्वास्थ्यसंग प्रतक्ष्य सरोकार राख्ने वस्तुहरुको विक्रि वितरणमा भएको गैर–कानुनी क्रियाकलाप प्रति एनबीआईको गम्भिर ध्यानाकर्षण भएको छ । र, यस्ता आम जनमानसमा गम्भिर असर पार्ने गलत क्रियाकलापको विरोध गर्दै आवश्यक कानुनी कारवाही अगाडी बढाउन एनबीआईले सरकारसंग अनुरोध गरेकाे छ ।

साथै, स्वच्छ समाज र समृद्ध मुलुक निर्माणको लागि असल व्यवसायिक अभ्यासको प्रवद्र्धन एवं कार्यान्वयनमा सम्वन्धित सबै पक्षको सहयोग एवं सकारात्मक योगदान रहने एनबीआईकाे विश्वास रहेकाे छ ।

सम्बन्धित शिषर्कहरु

कुकुरबिनाको गोठालाको कल्पना गर्न सकिँदैन

प्रचण्ड निवासमा देउसीभैलो, छमछमी नाचे

देशभर तिहारको झिलिमिली

तिहारमा झिनियाँसँगै तयारी रोटीको माग उच्च, खरिद गर्नेको घुइँचो

नेपालगन्जमा डेङ्गु सङ्क्रमणको उच्च जोखिम

तिहारमा लोडसेडिङ नहुने, सकेजतिको बिजुली खपत गर्न कुलमानको आग्रह