काठमाडौं । नेपाल उद्योग वाणिजय महासंघ ( एफएनसीसीआई) को ५४ औं साधारणसभा मंसिर ११ गतेदेखि १३ गतेसम्म हुँदैछ । निर्वाचनमा वरिष्ठ उपाध्यक्षका लागि चन्द्र ढकाल र किशोर प्रधानले उम्मेदवारी दिएका छन् ।

विभिन्न समयमा सहमति अनुसार नै अगाडि बढ्ने भनिरहे पनि अहिले सम्म सहमति हुन सकेको छैन । तर, महासंघकी अध्यक्ष भवानी राणाअझै पनि सहमतिको लागि प्रयासमा छिन् । उनले आफ्ना लागि दुवै अध्यक्ष बराबर भएकाले सकभर सहमति अनुसार नै अगाडि बढ्नु पर्ने बताउँदै आएकी छन् ।

उनले अब निर्वाचन नजिकिँदै गर्दा दुवै जनाको सहमतिका लागि भोलि छलफलमा बस्ने बताएकी छन् । ‘मैले पहिलेदेखि नै भन्दै आएकी छु, दुवै जना मेरो लागि बराबर नै हो, दुवै जनाको योगदान महासंघमा ठूलो छ, म अन्तिम अवस्थासम्म सहमतिको प्रयासमा हुन्छ, अन्तिम पटक दुवै जनासँग भोलि बस्दैछु’ उनले विकासन्युजसँ ग भनिन् ।

महासंघको चुनावका लागि दुई प्यानल चुनावी प्रचारप्रसारमा छन् । ढकाल पक्षबाट जिल्लानगरतर्फको उपाध्यक्षमा गुणनिधि तिवारी, वस्तुगत तर्फ उमेशलाल श्रेष्ठ र एसोसिएटतर्फ रामचन्द्र संघाईले उम्मेदवारी दिएका छन् । यस्तै प्रधान प्यानलबाट जिल्लानगरतर्फ दिनेश श्रेष्ठ, वस्तुगत तर्फ अञ्जन श्रेष्ठ र एसोसिएटतर्फ शौरभ ज्योतीले उम्मेदवारी दिएका छन् ।

सम्बन्धित शिषर्कहरु

ब्लूस्काईले जानकारी खुलासा गर्ने नियम उल्लंघन गरेको ईयूको आरोप

समता घरेलु लघुवित्तको एफपीओ नेप्सेमा सूचिकृत

सेती नदीको पुल निर्माण : २८ प्रतिशत भौतिक प्रगति

मेक्सिको, क्यानडा र चीनविरुद्ध कठोर हुँदै ट्रम्प, भारी शुल्क लगाउने वाचा

रक्सी र चुरोट खानुसरह नै हो प्याकेटका खाना, भान्छामा नै छ बालबालिकाको पौष्टिक भोजन

दूध सङ्कलनमा कोटा लगाएको भनी आएका समाचारप्रति दुग्ध विकास संस्थानको आपत्ति