काठमाडौं । स्वाभिमान लघुवित्त वित्तीय संस्थाले गत आर्थिक वर्षको लाभांश घोषणा गरेको छ । संस्थाले आर्थिक वर्ष २०७६/७७ को नाफाबाट चुक्ता पुँजीको २१.०५ प्रतिशत लाभांश वितरण गर्ने घोषणा गरेको हो ।

माघ ४ गते बसेको संस्थाको सञ्चालक समितिको बैठकले सेयरधनीलाई २० प्रतिशत बोनस र कर प्रयोजनको लागि १.०५ प्रतिशत नगद गरी कूल २१.०५ प्रतिशत लाभांश प्रस्ताव गरेको हो । उक्त प्रस्तावलाई नेपाल राष्ट्र बैंकले स्वीकृत तथा संस्थाको आगामी वार्षिक साधारणसभाले पारित गरेपछि मात्रै सेयरधनीले सो मात्राको लाभांश पाउने छन् ।

हाल संस्थाको चुक्ता पुँजी ७ करोड ६७ लाख रुपैयाँ रहेको छ । २० प्रतिशत बोनस सेयरपछि संस्थाको चुक्ता पुँजी ९ करोड २० लाख रुपैयाँ पुग्ने छ ।

उक्त प्रस्तावित लाभांश अघिल्लो आवको तुलनामा कम हो । संस्थाले अघिल्लो आव २०७५/७६को नाफाबाट सेयरधनीलाई २५.२७ प्रतिशत लाभांश वितरण गरेको थियो ।

सम्बन्धित शिषर्कहरु

बिहीबार सेयर बजार बन्द हुने

सूर्यज्योति लाइफबाट संस्थापक शर्मा बाहिरिने, बिक्रीमा राखे सेयर

निफ्रा बैंकको साढे २ लाख कित्ता सेयर बिक्रीमा

४ सय रुपैयाँमा मिथिला लघुवित्तको सेयर बिक्रीमा

फोहरबाट मल उत्पादन गरी बिक्री, प्रतिकिलो ५ रुपैयाँ छुट

कम्पनी बन्द हुने चिन्तामा वायु सेवा सञ्चालक, समयमै विमानस्थलको स्तरोन्नति सक्न माग