काठमाडौं । निजी क्षेत्रको छाता संस्था नेपाल उद्योग वाणिज्य महासंघका अध्यक्ष शेखर गोल्छाले पूर्व अध्यक्षहरुलाई विभिन्न जिम्मेवारी दिदै समेट्ने पहल गरेका छन् । पूर्व अध्यक्ष पशुपति मुरारकालाई महासंघको विशिष्ठ सदस्य बनाएका अध्यक्ष गोल्छाले थप ८ जना पूर्व अध्यक्षहरुलाई विभिन्न जिम्मेवारी प्रदान गरेका छन् ।

महासंघलाई आजको अवस्थासम्म ल्याई पुर्याउन निर्वाह गरेको भूमिकाको उच्च मुल्यांकन गरी वर्तमान कार्यकारिणी समितिको कार्यकालमा पूर्व अध्यक्षहरुलाई जिम्मेवारी दिइएको महासंघको भनाई छ ।

महासंघका अनुसार निवर्तमान अध्यक्ष भवानी राणालाई दुईटा जिम्मेवारी प्रदान गरिएको छ । राणालाई सदस्यता समिति र नेपाल–भारत ज्वोइन्ट विजनेस फोरमको जिम्मेवार दिइएको छ । पूर्व अध्यक्ष महेशलाल प्रधानलाई सल्लाहकार समितिको जिम्मेवारी प्रदान गरिएको छ ।

यस्तै, पूर्व अध्यक्ष पद्म ज्योतिलाई व्यवसायिक आचार संहिता फोरमको, पूर्व अध्यक्ष प्रदीपकुमार श्रेष्ठलाई फेडेरेसन अफ एसिया प्यासिफिक चेम्बर अफ कमर्श एण्ड इन्डष्ट्रीको, पूर्व अध्यक्ष रविभक्त श्रेष्ठलाई अनुशासन समितिको, पूर्व अध्यक्ष विनोद बहादुर श्रेष्ठलाई नेपाल–चाइना ननगभर्नमेन्टल को–अपरेसन फोरमको, पूर्व अध्यक्ष कुशकुमार जोशीलाई विधान संशोधन फोरमको र पूर्व अध्यक्ष सुरज बैद्यलाई अन्तराष्ट्रिय सम्बन्ध फोरमको जिम्मेवारी दिइएको छ ।

सम्बन्धित शिषर्कहरु

भक्तपुर इँटा उद्योग व्यवसायी संघको अध्यक्षमा ह्योम्वा निर्वाचित

बीमाको रकमबाट निजी अस्पतालमा पनि उपचारको व्यवस्था मिलाउछौँ : स्वास्थ्यमन्त्री पौडेल

कोइकाले गण्डकी प्रदेशमा ९ मिलियन अमेरिकी डलरको गण्डकी प्राविधिक प्रतिष्ठान स्थापना गर्ने

पर्याप्त रुपमा नागरिकको अवस्थामा परिवर्तन हुन सकेको छैन तर हुँदै नभएको भन्ने होइन : प्रधानमन्त्री

भरतपुर मेयर्स कप क्रिकेट लिगको दोस्रो संस्करण शुक्रबारदेखि सुरु

सम्पदा क्षेत्रलाइ स्मार्ट सांस्कृतिक पर्यटनसँग विकास गर्दै काठमाडौं महानगर