उपत्यकाका ट्याक्सी व्यवसायी आन्दोलित
२०७७ माघ २४ गते १५:५४ विकासन्युज
काठमाडाैं । काठमाडाैं उपत्यकाका ट्याक्सी व्यवसायी आन्दोलित भएका छन् । शनिबार आफ्ना ट्याक्सी सहित र्याली निकालेका व्यवसायीहरुले वैज्ञानिक भाडादर कायम गर्न सरकारसँग माग गरेका छन् ।
यस्तै व्यवसायीहरुले बन्द हड्तालको नाममा ट्याक्सी लगायतका सार्वजनिक यातायातका साधन तोडफोड र आगजनी गर्ने कार्य बन्द गरिनुपर्ने पनि माग गरेका छन् । वैज्ञानिक भाडादर कायम गर्दै राष्ट्रिय पुँजी लगानी भएको ट्याक्सीको संरक्षण गर्नुपर्ने माग गर्दै ट्याक्सी व्यवसायी आन्दोलित भएका हुन् ।
राष्ट्रिय पुँजीको लगानी भएको ट्याक्सीको संरक्षण गरि व्यवस्थित गरिनुपर्ने, वैज्ञानिक भाडादर कायम गरिनुपर्ने र बन्द हड्तालको नाममा ट्याक्सी लगायतका सार्वजनिक यातायातका साधन तोडफोड र आगजनी बन्द गरिनुपर्ने लगायतका माग राख्दै शान्तिपूर्ण ट्याक्सी ¥यालीको आयोजना गरिएको नेपाल राष्ट्रिय मिटर ट्याक्सी व्यवसायी तथा चालक सेवा समाजका केन्द्रीय अध्यक्ष पूर्णलाल मोक्तानले बताए ।
ट्याक्सी क्षेत्रलाई धरासायी बनाउने अवैध गतिविधि बन्द गरिनुपर्ने माग पनि राखिएको छ । ट्याक्सी व्यवसायीहरु नेपाल राष्ट्रिय मिटर ट्याक्सी व्यवसायी तथा चालक सेवा समाजको आयोजनामा काठमाण्डौ उपत्यकाको बिभिन्न स्थानबाट र्याली सहित माइतिघर मण्डलामा भेला भएका थिए ।
सम्बन्धित शिषर्कहरु
लोकप्रिय
- अपांगमैत्री आकाशे पुल निर्माणमा अघि बढ्दै ललितपुर महानगर, कहाँ-कहाँ बन्दैछन् ?
- सार्वजनिक कार्यक्रममै युवराजको उद्घोष : अहिले सहकारीमा बचत थप्ने बेला होइन
- सर्वसाधारणलाई सेयर बेच्ने निर्णयमा पुग्यो स्काईवाक टावर
- लाभांश आधा घटेपछि टेलिकमको सेयर बेच्दै सरकार
- बढ्यो सार्वजनिक यातायातको भाडा, यस्तो छ नयाँ भाडादर
फेसबुक
Copyright © 2025 Bikash Media Pvt. Ltd.