२०७८ जेठ ३० गते १७:१५ विकासन्युज
फाइल फाेटाे
काठमाडौं । जिल्ला प्रशासन कार्यालय काठमाडौंले निषेधाज्ञाको समयमा होटल खोलेको भन्दै जरिवाना गरेको छ । आईतबार त्रिपुरेश्वरस्थित युनाइटेड विजनेश होटलका सञ्चालक अश्विल श्रेष्ठलाई ४ लाख रुपैयाँ जरिवाना गरिएको हो ।
काठमाडौंका प्रमुख जिल्ला अधिकारी कालिप्रसाद पराजुलीका अनुसार होटलमा सेवाग्राहीको रुपमा गएर हो–हल्ला गर्ने थप ८ जनालाई समेत जरिवाना तिराइएको छ ।
उनीहरुलाई १५ हजार रुपैयाँको दरले जरिवाना तिराइएको हो । जरिवाना तिर्ने सेवाग्राहीमध्ये २ जना विदेशी नागरिक समेत रहेका छन् ।
सरकारले हालै जारी गरेको कोभिड(१९ संकट व्यवस्थापन गर्न बनेको अध्यादेश २०६७८ को दफा २१ को प्रावधान अनुसार उनीहरुलाई प्रमुख जिल्ला अधिकारी कालीप्रसाद पराजुलीले जरिवानाको आदेश गरेका हुन् ।
प्रशासनले यसअघि दिउँसो पसल सञ्चालन गरेको भन्दै कोटेश्वरमा रहेको भाटभटेनी सुपरमार्केटका म्यानेजरलाई जरिवाना तिराईएको थियो ।
Copyright © 2024 Bikash Media Pvt. Ltd.
