काठमाडौं । मेगा बैंकले चालु आर्थिक वर्षको पहिलो त्रैमासमा नाफा बढाएको छ । गत आर्थिक वर्षको पहिलो त्रैमासको तुलनामा चालु आर्थिक वर्षमा नाफा बढेको हो ।

बैंकले प्रकाशित गरेको चालु आर्थिक वर्षको पहलिो त्रैमासको अपरिष्कृत वित्तीय विवरण अनुसार उसले ९१ करोड४६ लाख रुपैयाँ नाफा गरेको हो । गत आर्थिक वर्षको पहिलो त्रैमासमा मेगाले ६० करोड ७९ लाख रुपैयाँ नाफा गरेको थियो ।

नाफा बृद्धिसँगै बैंकको प्रतिसेयर आम्दानी (इपीएस) पनि बढेको छ । गत आर्थिक वर्षको पहिलो त्रैमासमा १८.२१ रुपैयाँ रहेको मेगाको इपीएस चालु आर्थिक वर्षको पहिलो त्रैमासमा २४.२४ रुपैयाँ पुगेको छ ।

बैंकले पहिलो त्रैमासमा गरेको व्यवसायबाट वितरणयोग्य नाफा ४९ करोड ८३ लाख रुपैयाँ रहेको जानकारी दिएको छ ।

बैंकको खुद व्याज आम्दानी पनि बढेको छ । गत आर्थिक वर्षको पहिलो त्रैमासमा १ अर्ब ३३ करोड १४ लाख रुपैयाँ खुद व्याज आम्दानी गरेको मेगाले चालु आर्थिक वर्षको सोही अवधिमा भने १ अर्ब ५१ करोड ७३ लाख रुपैयाँ खुद व्याज आम्दानी गरेको छ ।

बैंकसँग सर्वसाधारणको १ खर्ब ४२ अर्ब३२ करोड ४५ लाख रुपैयाँ निक्षेप छ भने १ खर्ब ४१ अर्ब ८५ करोड ५२ लाख रुपैयाँ सर्वसाधारणलाई कर्जा प्रदान गरेको छ । बैंकको मूल्य आम्दानी अनुपात १३.६ छ भने प्रतिसेयर नेटवर्थ १४४.९९ रुपैयाँ पुगेको छ ।

सम्बन्धित शिषर्कहरु

विदेशी विनिमय सञ्चिति १०.५ प्रतिशतले वृद्धि

उपभोक्ता मुद्रास्फीति बढ्यो, कुन प्रदेशको कति ?

४ महिनामा ५ खर्ब २१ अर्ब रेमिट्यान्स भित्रियो

त्रिविलाई मेरिटोक्रेसीका आधारमा चलाउन प्रधानमन्त्री ओलीको निर्देशन

दोहोरो अंकले घट्यो नेप्से, ६ अर्ब बढीको कारोबार

रवि लामिछानेलाई थप ५ दिन हिरासतमा राख्न अनुमति