काठमाडौं । भारत सरकारले चिनी निर्यातमा पनि रोक लगाउने निर्णय गरेकाे छ । यसअघि गहुँ निर्यातमा रोक लगाएको भारतले आगामी जुन १ बाट चिनी निर्यातमा प्रतिबन्ध लगाउने भएको हो ।

भारतीय सञ्चार माध्यम रोयटर्सका अनुसार मोदी सरकारले चिनी निर्यातमा पूर्ण रोक नलगाए पनि निर्यात सीमा एक करोड टन राखेको हो । चीन निर्यातमा भारत विश्वको दोस्रो ठूलो देश हो । विश्वमा ब्राजिलले सबैभन्दा धेरै चिनी निर्यात गर्छ ।

भारतबाट सबैभन्दा धेरै चिनी इन्डोनेसिया, अफगानिस्तान, श्रीलंका, बंगलादेश, संयुक्त अरब इमिरेट्स, मलेसिया र अफ्रिकी देशले खरिद गर्दै आएका छन् । नेपालमा हाल वार्षिक दुई लाख ५० हजार मेट्रिक टन चिनी खपत हुँदै आएको छ । जसमा १ लाख ३० हजार स्वदेशी उत्पादनले माग धानिरहेको छ भने बाँकी चिनी भारत लगायतका देशबाट आयात हुँदै आएको छ ।

भारतमा उपभोक्ता मुद्रास्फिती बढेर ७.७९ प्रतिशत पुगेपछि सरकारले गहुँ र चिनी निर्यातमा अल्पकालीन रोक लगाएको हो । भारत सरकारले मुलुकभित्र बढ्दो खाद्य सुरक्षा र महँगीलाई ध्यानमा राख्दै निर्यातमा रोक लगाउने निर्णय गरेको हो ।

पछिल्लो समय विभिन्न देशमा रुस र युक्रेनबीचको युद्धका कारण विभिन्न वस्तुको मूल्य बढेको छ । हालसालै सार्वजनिक तथ्यांकका अनुसार भारतमा इन्धन र खाद्यान्नको उच्च मूल्यका कारण अप्रिलमा उपभोक्ता मुद्रास्फीति ८ वर्षकै उच्चमा पुगेको देखाएको छ ।

नेपालले चालु आर्थिक वर्षको दश महिनाको अवधिमा भारतबाट मात्रै साढे २५ करोड रुपैयाँ बढीको चिनी आयात गरेको छ । भन्सार विभागले सार्वजनिक गरेको दश महिनाको तथ्यांक अनुसार नेपालले २५ करोड ६५ लाख ३६ हजार रुपैयाँ बराबरको ७६ लाख ९ हजार किलो चिनीको आयात गरेको हो ।

सम्बन्धित सामग्री : 

महँगी बढेको भन्दै भारतले लगायो गहुँ निर्यातमा रोक, नेपाललाई कस्तो पर्ला प्रभाव ?

भारतले गहुँ निर्यातमा रोक लगाएपछि नेपालमा चिन्ता, खाद्य संकट हुन सक्ने

सम्बन्धित शिषर्कहरु

अस्ट्रेलियाको बेरोजगारी दर ४.१ प्रतिशत

सरोज सुब्बाको उपचारमा कुनै पनि लापरवाही तथा कमजोरी नभएको मेडिसिटी अस्पतालको स्पष्टिकरण

फेरि बढ्यो सुनको मूल्य, कतिमा हुँदैछ किनबेच ?

बलेफी खोला जलविद्युतको सुरुङ निर्माण तीब्र, पहिलो व्लाष्टिङ सफलतापूर्वक सम्पन्न

भेरी करिडोर : नलगाड-तल्लु खण्डमा धमाधम काम हुँदै

युनिसेफले गर्याे बाढी पीडितलाई डेढ करोड सहयोग