२०७९ साउन ८ गते १२:१५ विकासन्युज
काठमाडौं । स्वावलम्बन लघुवित्त वित्तीय संस्था लिमिटेडको प्रमुख कार्यकारी अधिकृत (सीईओ) मा नरेन्द्र सिंह बिष्ट नियुक्त भएका छन् ।
लघुवित्तको साउन ६ गते बसेको सञ्चालक समितिको बैठकले बिष्टलाई सीईओमा नियुक्त गरेको हो । बिष्टलाई साउन ९ गतेदेखि लागु हुने गरी ४ वर्षका लागि सीईओमा नियुक्त गरेको हो । नवनियुक्त सीईओ बिष्टले सोमबारदेखि कार्यभार सम्हाल्ने छन् ।
फागुन १६ गते उदयराज खतिवडाले सीईओ पदबाट राजीनामा दिएका थिए । खतिवडाले राजीनामा दिएपछि कायम मुकायम सीईओको जिम्मेवारी गोविन्द चापागाईँले सम्हाल्दै आएका थिए ।
लघुवित्तले झण्डै ५ महिनापछि सीईओ पाएको हो । फागुनदेखि लघुवित्तमा सीईओ पद रिक्त रहेको थियो ।
Copyright © 2025 Bikash Media Pvt. Ltd.
