काठमाडौं । काठमाडौंको थापाथलीस्थित सुकुम्बासी बस्तीमा डोजर चलाउने काममा अवरोध भएको छ ।

काठमाडौं महानगरपालिकाले अनाधिकृत रुपमा बनाइएका भौतिक संरचनाहरु हटाउने अभियान अन्तरगत सोमबार दिउँसोबाट सो बस्तीमा डोजर चलाउन सुरु गरेको हो । तर, सो बस्तीमा मानिसहरुले भने डोजर चलाउने काममा अवरोध गर्दै काठमाडौं महानगरपालिका विरुद्ध चर्का नाराबाजीसहित टायर बालेर प्रर्दशन गरिरहेका छन् । डोजरको प्रतिकार गर्न इट्टासमेत प्रहार भईरहेको छ ।

अहिले पनि त्यस क्षेत्र तनावग्रस्त छ । सुकुम्बासीहरुले डोजरको प्रतिकार गर्न प्रर्दशनलाई निरन्तरता दिएका हुन् । काठमाडौं महानगरपालिकाले यस अघि नै ३५ दिने सूचना जारी गर्दै त्यहाँको बस्तीमा बनाइएको टहरा हटाउन निर्देशन दिएको थियो । यता, सुकुम्बासीहरुले भने विकल्प नदिई आफूहरु सो बस्तीबाट नहट्ने जिकीर गरिरहेका छन । उनीहरुले डोजर चलाउने डरले आफूहरुको सामानभने बाहिर निकाल्ने कामलाई पनि एकसाथ अघि बढाएका छन् ।

सम्बन्धित शिषर्कहरु

जुम्लामा दसैँमा मात्रै साढे १६ करोडका भेडा र खसी बोकाको कारोबार

रेकर्ड बिन्दुमा स्थिर रह्यो अमेरिकी डलर, खाडी बाहेक अधिकांश देशको मुद्राको भाउ बढ्यो

आज तीन प्रदेशमा वर्षा हुने, भोलि कस्तो छ मौसम ?

टीका र जमरा थाप्ने क्रम जारी

पाकिस्तानमा भएको झडपमा १६ जनाको मृत्यु

टीका लगाउन आउनेलाई ‘दूध-दही’ले स्वागत