काठमाडौं । सिटिजन्स बैंकले खराब कर्जा घटाएको छ । चालु आर्थिक वर्ष २०८०/८१ तेस्रो त्रैमासमा बैंकको खराब कर्जा सामान्य घटेर ३.७६ प्रतिशतमा झारेको हो । गत वर्षको चैतमा ३.९८ प्रतिशत खराब कर्जा थियो ।

चालु आर्थिक वर्ष २०८०/८१ तेस्रो त्रैमासमा बैंकको खुद नाफा २ प्रतिशत घटेर १ अर्ब २१ करोड १४ लाख रुपैयाँ खुद नाफा आर्जन गरेको छ । गत वर्षको सोही अवधिमा बैंकले १ अर्ब २३ करोड ६० लाख रुपैयाँ खुद नाफा गरेको थियो ।

चैत मसान्तसम्म बैंकले ४ अर्ब २५ करोड ६० लाख रुपैयाँ खुद ब्याज आम्दानी गरेको छ । गत वर्षको सोही अवधिमा बैंकले ४ अर्ब ३९ करोड ९१ लख रुपैयाँ खुद ब्याज आम्दानी गरेको थियो ।

यस अवधिमा बैंकको कुल सञ्चालन आम्दानी ५ अर्ब २० करोड रुपैयाँ र सञ्चालन नाफा १ अर्ब ८६ करोड रुपैयाँ छ । चैत मसान्तसम्ममा बैंकको वितरणयोग्य नाफा १ करोड ८९ लाख रुपैयाँ छ । गत वर्ष यस्तो नाफा ४१ लख ५ हजार रुपैयाँ थियो ।

बैंकको चुक्ता पुँजी १४ अर्ब २० करोड रुपैयाँ र जगेडा कोष ७ अर्ब ९ करोड रुपैयाँ छ । चैतसम्म बैंकले १ खर्ब ८२ अर्ब ५० करोड रुपैयाँ निक्षेप संकलन गरी १ खर्ब ५२ अर्ब ५६ करोड रुपैयाँ कर्जा लगानी गरेको छ ।

यस अवधिमा बैंकको प्रतिसेयर आम्दानी ११.३७ रुपैयाँ छ । बैंकको मूल्य आम्दानी अनुपात १३.९८ गुणा रहेको छ भने प्रतिसेयर नेटवर्थ १४९.९८ रुपैयाँ रहेको छ

सम्बन्धित शिषर्कहरु

धन तथा सुन्दरताकी देवी लक्ष्मी, समग्र सुखका लागि अष्ट-साधना

कुकुरबिनाको गोठालाको कल्पना गर्न सकिँदैन

प्रचण्ड निवासमा देउसीभैलो, छमछमी नाचे

देशभर तिहारको झिलिमिली

बीमा कम्पनीले लेखापरीक्षण भएको र नभएको विवरणमा फरक देखिए कारण खुलाउनु पर्ने

अब बच्चा जन्मनासाथ चार स्वास्थ्य समस्याको परीक्षण अनिवार्य