काठमाडौं । महेन्द्र सिंह (एमएस) धोनी भारतका सबैभन्दा धनी क्रिकेटर हुन् । उनको कुल सम्पत्ति १० अर्ब ४० करोड रुपैयाँभन्दा बढी छ ।

उनको उत्कृष्ट क्रिकेट करियरले उनको कमाइमा महत्त्वपूर्ण योगदान पुर्‍याएको छ । यद्यपि, धोनीका धेरै यस्ता व्यवसाय र उद्यमहरूमा पनि लगानी छ, जसले उनको सम्पत्ति बढाउन मद्दत गरिरहेकाे छ ।

भारतीय क्रिकेट टोलीका पूर्वकप्तान एमएस धोनी चर्चित कपडा ब्रान्ड ‘सेभेन’ का मालिक हुन् । उनले विज्ञापनबाट पनि मनग्ये आम्दानी गर्छन्।

चेन्नई सुपर किङ्स स्टारसँगै उनका अन्य धेरै व्यवसायहरू छन् । धोनीको गृहनगर राँचीमा माही रेसिडेन्सी नामक मिड रेन्ज होटल छ। यो एयरबीएनबी, ओयो र मेक माई ट्रिप जस्ता लोकप्रिय हस्पिटालिटी प्लेटफर्महरूमा सूचीबद्ध छ ।

धोनीले बैंगलोरमा एमएस धोनी ग्लोबल स्कुल पनि खोलेका छन्। यो सीबीएसई अंग्रेजी माध्यमको विद्यालय हो । माइक्रोसफ्टका सत्य नाडेलासँग साझेदारी गरेर यस विद्यालयले विद्यार्थीहरूलाई फरक प्रकारको शैक्षिक अनुभव प्रदान गर्दछ ।

धोनीले बेभरेज ब्रान्ड र चकलेट कम्पनी सेभेन इंक ब्रुजमा पनि लगानी गरेका छन् । यसले धोनीको सिग्नेचर हेलिकप्टर शटबाट प्रेरित भएर कप्टर सेभेन लन्च गरेको थियो ।

क्रिकेट स्टार धोनीले ठूलो जिम चेन पनि चलाउँछन् । यसको नाम धोनी स्पोर्ट्सफिट हो । उनी यसका मालिक हुन् । यो जिम चेन देशभरि २ सयभन्दा बढी स्थानमा सञ्चालन छन् ।

धोनीले आफ्ना विभिन्न व्यावसायिक उद्यममार्फत क्रिकेट आइकनको रूपमा आफ्नो हैसियत मात्र सीमित गर्दैनन्, यसले उनलाई एक सचेत उद्यमीका रूपमा पनि स्थापित गरेको छ। एजेन्सी

सम्बन्धित शिषर्कहरु

एक सातामा ५४ हजार करोडको किनमेल, उपभोक्ता अनलाइनमा सक्रिय

मलेसिया घुम्न जाँदै हुनुहुन्छ ? यी हुन् उत्कृष्ट ५ पर्यटकीय गन्तव्य

भारतको विदेशी मुद्रा सञ्चिति ७ खर्ब डलर नाघ्यो, जापानकाे कति छ ?

नाइजेरियामा १० हजार बढीमा हैजा संक्रमण, साढे ३ सयको मृत्यु

संसारभरि सेयर बजारमा गिरावट, धनीहरूको सम्पत्तिमा के भयो उतारचढाव ?

साढे ११ करोडको सुनसहित हेटौंडाबाट २ जना पक्राउ