यी ४ बैंकले पठाए कर्मचारीको खातामा बोनस, नबिलले दियो थप तीन महिनाको तलब
२०८१ साउन २ गते १६:१८ विकासन्युज
काठमाडौं । बैंकहरुले आफ्नो कर्मचारीको लागि बोनस वितरण गर्न सुरु गरेका छन् । आर्थिक वर्ष २०८०/८१ सकिएर नयाँ आर्थिक वर्ष लागेसँगै बैंकहरुले कर्मचारीको खातामा बोनस रकम पठाउन सुरु गरेका हुन् ।
विगतका वर्षहरुमा अधिकांश बैंकले साउन १ गते नै कर्मचारीलाई बोनस रकम वितरण गर्ने अभ्यास भएपनि यस वर्ष भने सीमित बैंकले मात्रै साउन १ गते कर्मचारीको खातामा बोनस रकम पठाएका छन् ।
यस वर्ष नबिल, सानिमा, प्रभु र सिटिजन्स बैंकले मात्रै कर्मचारीको खातामा साउन १ गते नै बोनस रकम पठाएका छन् । सम्बन्धित बैंक स्रोतका अनुसार नबिलले तीन महिना, सानिमाले दुई दशमलब ७५ महिना, प्रभुले साढे १ महिना र सिटिजन्स बैंकले १ महिनाको तलब कर्मचारीको खातामा पठाएका छन् । हालसम्म नबिलले सबैभन्दा बढी बोनस वितरण गरेको छ ।
अन्य बैंकले पनि बोनस रकम वितरण गर्ने तयारी गरेको बुझिएको छ । बोनस ऐनको अनुसार बैंक तथा वित्तीय संस्थाले कुल नाफाको १० प्रतिशत रकम कर्मचारीलाई वितरण गर्नु पर्ने हुन्छ ।
सम्बन्धित शिषर्कहरु
लोकप्रिय
- १६ बैंकका कर्मचारीको तलब बढ्यो, २ बैंकको अर्ब नाघ्यो
- नेपाल धितोपत्र बोर्डको अध्यक्ष बने सन्तोष नारायण श्रेष्ठ, को हुन् उनी ?
- नेप्सेमा साढे ३ अर्ब रुपैयाँको बोनस सेयर सूचीकृत
- मौद्रिक नीतिको त्रैमासिक समीक्षा शुक्रबारसम्म सार्वजनिक हुने, के हुँदैछ परिवर्तन ?
- ठडिँदैछ देशको पहिलो ‘फ्लाई ओभर’, गाडी गुड्ने दिन नजिकिँदै
फेसबुक
Copyright © 2024 Bikash Media Pvt. Ltd.