प्रभु स्टक मार्केटको औपचारिक उद्घाटन
२०८१ साउन ९ गते १७:२६ विकासन्युज
काठमाडौं । प्रभु स्टक मार्केटको औपचारिक उद्घाटन भएको छ । प्रभु बैंकको शत्प्रतिशत स्वामित्वमा सञ्चालित प्रभु स्टक मार्केटको बैंक सञ्चालक समितिका अध्यक्ष लिला प्रकाश सिटौलाले बुधबार एक समारोहका बिच कारोबार सञ्चालनको औपचारिक उद्घाटन गरे ।
सो कार्यक्रमा उनले प्रभु बैंकको सहायक कम्पनीको रूपमा स्थापित यस कम्पनीले आगामी दिनमा सेयर कारोबारसँग सम्बन्धित सेवा सहज रूपमा दिने विश्वास व्यक्त गरे । उनले व्यावसायिक सेवा प्रदान गर्दै पूँजी परिचालन तथा नेपालको पूँजी बजारको विकास आफ्नो तर्फबाट केही योगदान गर्ने कार्य प्रभावकारी रूपमा प्रभु स्टक मार्केटले सफलता पाउन सकोस् भनी शुभकामना समेत व्यक्त गरे ।
सोही कार्यक्रका विशेष अतिथि प्रभु बैंकका प्रमुख कार्यकारी अधिकृत अशोक शेरचनले प्रभु बैकको सहायक कम्पनीको रूपमा अर्को एउटा संस्था स्थापित भएकाले खुसी लागेको भन्दै शुभकामना व्यक्त गरे ।
साथै, प्रभु स्टक मार्केटका प्रमुख कार्यकारी अधिकृत भीष्मप्रसाद उप्रेतीले उपस्थित सबैलाई धन्यवाद दिंदै ब्रोकर कम्पनीको रुपमा स्थापित यस संस्थाले धितोपत्र खरिदबिक्री सम्बन्धी सम्पूर्ण सेवाहरू एकै ठाँउबाट सरल र सहज रूपमा प्रदान गर्ने प्रतिबद्धता व्यक्त गरे ।
नयाँबानेश्वर काठमाडौमा केन्द्रिय कार्यालय रहेको यस कम्पनीको अधिकृत तथा चुक्ता पुँजी २० करोड रहेको बैंकले जनाएको छ ।
सम्बन्धित शिषर्कहरु
लोकप्रिय
- भारुको भाउ बढ्यो, १०० भारुको १६६ रुपैयाँ नेपाली
- व्यावसायिक क्षमताको १५ प्रतिशतमा सीमित स्काई टावर, घाटामा गएपछि ६० करोड ऋणका लागि रेटिङ
- एनआईसी एसियासहित तीन बैंकको अर्ब बढी प्रोभिजनिङ, यी ९ बैंक रिकभरीमा आक्रामक
- बैंकहरूको खुद नाफा १६ अर्ब हुँदा वितरणयोग्य नाफा २६ अर्ब, झुक्किरहेका छन् सेयर लगानीकर्ता
- सुन थुपारेको थुपार्यै, यस कारण बढ्दैछ मूल्य
फेसबुक
Copyright © 2024 Bikash Media Pvt. Ltd.