काठमाडौं । काभ्रेको पनौतीमा पहिरोमा परी एकै परिवारका ५ जना बेपत्ता भएका छन् । पनौती नगरपालिका ११, थुम्कीमा शनिबार बिहानै पहिरो जाँदा स्थानीय अर्जुन भण्डारीको परिवार सम्पर्क विहीन भएको हो ।

पहिलोले ३ घरमा पूर्ण क्षति पुर्याएको छ। २ घरका परिवार भागेर सुरक्षित ठाउँमा पुग्नसके पनि भण्डारीको परिवार पहिरोमा परेर सम्पर्क विहीन भएको पनौती नगरपालिका–११, वडासदस्य गीता थापाले जानकारी दिइन् ।

बिहान करिब साढे ३ बजे गएको पहिरोमा परी बेपत्ता भण्डारीको परिवारको उद्धारका लागि विपद उद्धार बेस पनौतीबाट १५ जनाको टोली खटिएको छ ।

यस्तै काभ्रेको तेमाल गाउँपालिका ७ मा पहिरोले घर पुरिँदा दुई जनाको मृत्यु भएको छ । आज बिहान करिब ३ बजेतिर भिमबहादुर तामाङको घर पहिरोमा पुरिँदा उनकी श्रीमती ५० वर्षीया पातली तामाङ र ४० वर्षीया नक्कली तामाङको मृत्यु भएको प्रहरीले जनाएको छ ।

सम्बन्धित शिषर्कहरु

अधिकांश देशको मुद्राको भाउ बढ्यो, कुन देशको कति ?

कुलेखानीको जलाशयको ढोका खोलियो, ‘हाइ अलर्ट’मा बस्न आग्रह

आज यी प्रदेशमा अति धेरै वर्षा हुने

कुलेखानीको ड्याम भरियो, २ वटा गेट खोल्ने तयारी

निरन्तर वर्षा : केही नदीमा जलसतह खतरास्तर नजिक

किस्ट अस्पतालनमा पानी पस्यो, बिरामीलाई सुरक्षित स्थानमा सारियो