काठमाडौं । युवा सुजन आचार्य पक्राउ परेका छन् । उनी शुक्रबार दिउँसो त्रिभुवन विमानस्थलबाट पक्राउ परेका हुन् । ठगी आरोपमा आचार्यविरुद्ध पक्राउका लागि इन्टरपोलमा नोटिस जारी गरिएकाे थियाे । उनलाई अध्यागमन र विमानस्थल प्रहरीले पक्राउ गरेको हो ।

हाल उनलाई प्रहरी परिसर काठमाडौं, भद्रकालीमा राखिएको छ ।

आचार्य २ वर्षअघि करोडौं रुपैयाँ ठगेर फरार भएका थिए ।

झण्डै ५० भन्दा बढी युवाहरूले उनीविरुद्ध प्रहरीमा उजुरी दिएका थिए । उनले सिंगापुरका हाेटलमा काम लगाइदिने भनी थुप्रै युवाबाट कराेडौं रकम असुलेर फरार भएका थिए ।

इन्टरपोलमा नोटिस जारी गरेको भए पनि आचार्य आफै आज विमानस्थल झरेपछि अध्यागमन कार्यालयले पक्राउ गरेको हो ।

उनले पीडितहरूलाई पैसा फिर्ता गरेर मुद्दा मिलाउन स्वदेश आएको दावी गरेका छन्।

सिंगापुरमा काम लगाइदिने भन्दै आचार्यले अनुमानित १० करोड रुपैयाँ ठगेको हुनसक्ने बताइएकाे छ ।

सम्बन्धित शिषर्कहरु

कलंकीको भाटभटेनीमा काठमाडौं महानगरको डोजर

व्यापार घाटाले बन्द हुँदैछन् उद्योग, व्यवसायी विदेश पलायन हुँदै

राखेपका पूर्व सदस्यसचिव राणाको निधन

दैनिक जीवनसँग जोड्ने गरी प्राविधिक शिक्षा उपलब्ध गराउनुपर्छ : मन्त्री भट्टराई

एक करोड ८६ लाखको सामानसहित दुई ट्रक नियन्त्रणमा

रविको पक्राउविरुद्ध माइतीघरमा रास्वपाको प्रदर्शन