राष्ट्र बैंकले चुच्चे नक्सासहित ३० करोड थान नयाँ नोट छाप्ने, चिनियाँ कम्पनीलाई ठेक्का
२०८१ कार्तिक ११ गते १८:२२ विकासन्युज
काठमाडौं । नेपाल राष्ट्र बैंकले १०० रुपैयाँ दरका ३० करोड थान नयाँ नोट छाप्ने भएको छ ।
राष्ट्र बैंकले सूचना जारी गर्दै यस्ताे जानकारी दिएकाे हाे ।
केन्द्रीय बैंकका अनुसार नोटको डिजाइनसहित छपाइ र ढुवानीसहितको जिम्मेवारीका लागि चीनको ‘चाइना बैंक नोट प्रिन्टिङ एन्ड मिन्टिङ कर्पोरेसन’लाई ठेक्का दिइने निर्णय भएकाे छ ।
बैंकले चिनियाँ कम्पनीले ८९ लाख ९६ हजार ५९२ अमेरिकी डलर बराबरको खर्चमा नोट छपाइदेखि ढुवानीसम्म गरिदिने सूचनामा उल्लेख गरेकाे छ ।
नोटमा मन्त्रिपरिषद्को निर्णयबमोजिम चुच्चे नक्सा राख्न लागिएकाे हाे । गत वैशाखमा बसेकाे मन्त्रिपरिषद्को बैठकले सयको नोटमा रहेको पुरानो नक्सा परिवर्तन गरेर चुच्चे नक्सा राख्न राष्ट्र बैंकलाई अनुमति दिने निर्णय गरेको थियाे ।
अर्थ मन्त्रालयले बैंक नोटमा रहेको तस्बिर परिवर्तन गर्ने प्रस्ताव मन्त्रिपरिषदमा लगेको थियो ।
भारत अधीनस्थ रहेका कालापानी–लिपुलेक क्षेत्र समेटेर बनाइएको चुच्चे नक्सालाई २०७७ सालमा संसदले अनुमोदन गरेको थियो ।
सम्बन्धित शिषर्कहरु
लोकप्रिय
- क्षमता शून्य भए पनि लाभांश दिँदै बैंक, यसरी भयो सम्भव
- युनाइटेड अजोडका सीईओ श्रवण रावलको निधन, दिनभर काममा, साँझ हृदयघात
- खराब कर्जा ५ प्रतिशत नाघ्दा तीन बैंकले लाभांश दिन नसक्ने, २० बैंकको एनपीएल औसत ४ प्रतिशत
- बैंकको व्यवसाय बदल्न अब कार्बन व्यापार
- माछापुच्छ्रे बैंकमा महतोपछि ठूला सेयरधनी श्रेष्ठ पनि बाहिरिँदै
फेसबुक
Copyright © 2024 Bikash Media Pvt. Ltd.