काठमाडौं । मेडिकल व्यवसायी दुर्गा प्रसाईंलाई अदालतमा उपस्थित गराउन सर्वोच्च अदालतले आदेश जारी गरेको छ । प्रसाईंका छोरा निराजनका तर्फबाट नारद खवासले दायर गरेको बन्दीप्रत्यक्षीकरणको रिटमा बुधबार न्यायाधीश सुनीलकुमार पोखरेलको इजलासले यस्तो आदेश दिएको हो । इजलासले विपक्षीका नाममा कारण देखाऊ आदेश पनि जारी गरेको छ ।

निराजनको यसअघिको रिटमा पनि प्रसाईंलाई अदालतमा उपस्थित गराउने आदेश भएको थियो । उक्त रिट सर्वोच्चले खारेज गरेपछि काठमाडौं जिल्ला अदालतले प्रसाईं साइबर अपराधमा धरौटीमा रिहा हुने थुनछेक आदेश गरेको थियो ।

तर, प्रहरीले प्रसाईंलाई संगठित अपराधमा थुनामै राखेर पुनः पक्राउ पुर्जी लिएको थियो । आफ्ना बाबुलाई गैरकानुनी रूपमा थुनामा राखिएको भन्दै मंगलबार (हिजो) निराजनका तर्फबाट पुनः बन्दीप्रत्यक्षीकरणको निवेदन दर्ता गराइएको थियो ।

सम्बन्धित शिषर्कहरु

टेलिकमको लोगो प्रयोग गरी सामाजिक सञ्जालमार्फत गलत सूचना प्रवाह भयो : टेलिकम

लोडसेडिङले उद्योगलाई आर्थिक रूपमा धेरै प्रभाव पार्छ : अध्यक्ष अग्रवाल

सङ्घीय निजामती विधेयकमाथि आज पनि छलफल जारी

मलेसियाद्वारा विदेशी श्रमिक केन्द्रीय व्यवस्थापन प्रणालीलाई निरन्तरता

कान्तिको पूर्वाधार विकासमा सघाउन कतारसँग स्वास्थ्य मन्त्री पौडेलको आग्रह, कतार सकारात्मक

‘तामाकोशीबाट विद्युत आउनासाथ उद्योग क्षेत्रलाई पनि सहज हुन्छ’