काठमाडौं । नेपाल स्टक एक्स्चेञ्ज(नेप्से)का प्रमुख कार्यकारी अधिकृत(सीईओ) चन्द्रसिंह साउदले यो समय नयाँ लगानीकर्तालाई सेयर बजारमा लगानी गर्ने सुवर्ण अवसर भएको बताएका छन् । नेपालमा पूँजी बजारको दायरा सानो भएकाले यसको भविष्य रहेको बताउँदै उनले बजारमा लगानी गर्न इच्छुकले आफ्नो क्षमताअनुसारको लगानी गर्दा फाइदा हुने बताएका हुन् ।

आइतबार नेप्सेद्धारा बुटवलमा आयोजित लगानीकर्तासँग अन्तरक्रिया कार्यक्रममा सीईओ साउदले सो कुरा बताएका हुन् । साथै, उनले शेयर बजार केही महिनामा नै प्रतिफल दिने नगदे बाली नभएका दाबी गरेका छन् ।

नेप्सेका अध्यक्ष लक्ष्मण न्यौपानेले पूँजी बजार माग र आपूर्तिको सम्बन्धको आधार भएको उल्लेख गर्दै यसलाई कस्तो बनाउने भन्ने विषय लगानीकर्ताको हातमा हुने बताएका छन् ।

कार्यक्रममा नेपाल धितोपत्र बोर्डका कार्यकारी प्रमुख निरज गिरीले शेयर बजारमा संस्थागत लगानीकर्ता नभएकाले बजारमा समस्या देखिएको बताए । बैंकलाई ब्रोकर लाइसेन्स दिएर बजारलाई प्रतिस्पर्धी बनाउन खोजिएको बताउँदै उनले अनलाइन प्रणालीमा गएपछि ब्रोकरसँगको समस्या नआउने धारणा राखेका छन् । साथै, उनले शेयर बजारका लगानीकर्तालाई कम्पनीको अध्ययन गरेर मात्रै पूँजी बजारमा प्रवेश गर्न आग्रह गरेका छन् ।

नेप्सले आइतबार बुटवल क्षेत्रका लगानीकर्तालाई पूँजी बजारमा अनलाइनको प्रयोग गर्ने विषयमा जानकारी दिएको छ । साथै, बुटवलमा लगानीकर्तासँग अन्तरक्रिया गर्दै अनलाइनको प्रयोगले पूँजी बजारमा देखिने विभिन्न समस्याको समाधान हुने नेप्सेले दाबी गरेको छ ।

नेपालमा अहिलेसम्म १६ हजार ५३४ जनाले शेयर बजारमा अनलाइन प्रणालीको प्रयोग गरेका छन् भने प्रदेश नं ५ मा करिब एक हजारले यसको प्रयोग गरेको बताइएको छ ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै