काठमाडौं । उन्तति लघुवित्त वित्तीय संस्थाको पाचौं वार्षिक साधारणसभा(एजीएम) आगामी पुस २९ गते बस्दै छ । उक्त सभा सो दिन बिहान १०ः३० बजे रुपन्देहीको चिल्ड्रेनपार्कस्थित होटल पौवामा बस्ने भएको हो ।

सभाले शेयरधनीलाई हालको चुक्ता पुँजीको ३८.६० प्रतिशत बोनस शेयर दिने सञ्चालक समितिको प्रस्तावलाई पारित गर्ने भएको छ । साथै, सभाले कर प्रयोजनको लागि चुक्ता पुँजीको २.०३ प्रतिशत नगद लाभांश प्रस्तावलाई स्वीकृत गर्ने छ ।

उन्नति लघुवित्त वित्तीय संस्था र सहकार्य लघुवित्त वित्तीय संस्था एक आपसमा गाभिने तथा यस सम्बन्धि सम्पूर्ण प्रस्तावहरुलाई सभाले अनुमोदन गर्ने छ । बोनस शेयरपश्चात संस्थाको चुक्ता पुँजी १२ करोड २३ लाख रुपैयाँ र सहकार्य लघुवित्त वित्तीय संस्थाको साउनसम्मको चुक्ता पुँजी तथा कल इन एडभान्स समेत गरी चुक्ता पुँजी तीन करोड ६२ लाख ५० हजार रुपैयाँ हुनेछ । शेयर आदान प्रदान अनुपात(शेयर स्वाप रेसियो) सहकार्य लघुवित्तको १०० कित्ता शेयर उन्नति लघुवित्तको ७५ कित्ता शेयर(अर्थात १ः०.७५) तोकिएको छ । उक्त शेयर प्रदान भए पश्चात कायम चुक्ता पुँजी २ करोड ७१ लाख रुपैयाँ गरी कूल चुक्ता पुँजी १४ करोड ९५ लाख रुपैयाँ नाघ्ने संस्थाले जनाएको छ ।

साथै, सभाले सञ्चालक समितिको बैठक तथा सुविधा वृद्धि गर्ने विशेष प्रस्तावलाई अनुमोदन गर्ने छ ।

सभामा जाने प्रयोजनका लागि आगामी पुस १५ गते संस्थाको बुक क्लोज हुने भएको छ । नेप्सेमा पुस १४ गतेसम्म कारोबार गरेका शेयरधनीहरुले सो मात्राको लाभांश पाउने तथा सभामा सहभागि हुन पाउने छन् ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै