काठमाडौं । देवः विकास बैंकको बिहीबार(पुस २ गते)देखि सेयर कारोबार रोक्का भएको छ । कुमारी बैंकसँग एक्विजिशनमा जाने प्रयोजनको लागि विकास बैंकको सेयर कारोबार रोक्का भएको हो ।

कुमारी बैंक र देवः विकास बैंकबीच प्राप्ति गर्ने सम्बन्धि सहमतिपत्रमा हस्ताक्षर भएसँगै संस्थाको दोश्रो बजारमा कारोबार बन्द भएको हो ।

बुधवार नागपोखरीस्थित काठमाडौं मेरिएट होटेलमा आयोजित समारोहमा सो सम्बन्धि प्राप्तीको लागि (अक्विजिसन) औपचारिक हस्ताक्षर सम्पन्न भएको हो । उक्त समझदारी पत्र(एमोयू)मा कुमारी बैंक लिमिटेडको तर्फबाट संचालक समितिका सदस्य कृष्ण प्रसाद ज्ञवाली र देव विकास बैंकको तर्फबाट संचालक समितिका सदस्य भरत बहादुर हमालले हस्ताक्षर गरेका हुन् ।

उक्त एक्विजिशन पश्चात बैंकको चुक्तापूँजी १२ अर्ब ५० करोड भन्दा बढी, निक्षेप १२० अर्ब तथा ऋण लगानी १०५ अर्ब रुपैयाँ नाघ्ने छ । यसैगरी बैंकको शाखा संजाल २०० भन्दा बढी हुने कम्पनीले जनाएको छ ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै