काठमाडौं । नेपाल स्टक एक्स्चेञ्ज(नेप्से)को प्रस्तावित ४० प्रतिशत नगद लाभांश पारित भएको छ । मंगलबार(पुस २९ गते) सम्पन्न कम्पनीको वार्षिक साधारणसभाले सञ्चालक समितिको उक्त प्रस्तावलाई पारित गरेको हो ।

सभाले पारित गरेसँगै शेयरधनीले गत आर्थिक वर्षको नाफाबाट चुक्ता पुँजीको उक्त दरले नगद लाभांश पाउने छन् । हाल नेप्सेको चुक्ता पुँजी ५० करोड रुपैयाँ रहेको छ । ४० प्रतिशतका दरले शेयरधनीलाई २० करोड रुपैयाँ नगद लाभांश वितरण गर्ने छ ।

साथै, सभाले आर्थिक वर्ष २०७६/७७ को लागि लेखापरीक्षकमा सीए नेरेन्द्र भट्राईलाई नियुक्त गरेको छ । साथै, निजको पारिश्रमिक मूल्य अभिवृद्धि कर बाहेक एक लाख रुपैयाँ तोकिएको छ सभाले जानकारी दिएको छ ।

त्यस्तै, सञ्चालक समितिले सभामा प्रबन्धपत्र तथा नियमावली संशोधन गर्ने विशेष प्रस्ताव राखेको थियो । तर उक्त प्रस्ताव भने संशोधन नभएको सभाले जानकारी दिएको छ ।

यस विषयमा प्रष्ट पार्दै नेप्सेका प्रमुख कार्यकारी अधिकृत चन्द्रसिंह साउदले भने- ‘उक्त संसोधनको लागि नेपाल धितोपत्र बोर्ड र नेपाल सरकारको अनुमति लिनुपर्ने, सो क्रममा ओटिसीमै शेयर कारोबार गर्दा करको कारणले समय लाग्यो । अब त्यस विषयमा धितोपत्र बोर्ड र अर्थमन्त्रालयसँग समन्वय गरेर उनीहरुको निर्देशन अनुसार काम अगाडि बढाउँछौं । यदि त्यस्तै, आवश्यक पर्यो भने विशेष साधारणसभाबाट पनि काम अगाडी बढाउने छौं ।’

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै