काठमाडौं । बुधबारको नेप्से परिसूचक जेठ महिनाकै न्युनतम बिन्दुमा झरेको छ । जेठ गत वैशाख ३० गते १३०० अंकमा रहेको नेप्से परिसूचक आज अर्थात जेठ २९ गते १२७२ अंकमा अडिएको छ । जुन यसमहिना यताकै न्युनतम बिन्दु हो भने अधिकतम बिन्दु १३१९.६३ रहेको थियो ।

समग्रमा बुधबारको बजार अघिल्लो दिनको तुलनामा ०.२७ अर्थात ३.५० अंकले ओरालो लागेको हो । बजारमा केही समयदेखि नै सेयर कारोबार रकम र नेप्से परिसूचक दुबैमा गिरावट देखिएको छ । बुधबारको बजारमा पनि १७४ कम्पनीको जम्मा ५० करोड २६ लाख रुपैयाँ मात्रै सेयर कारोबार भएको छ । जसमध्ये ग्लोबल आईएमई बैंकको सबैभन्दा बढी प्रमोटर सेयर कारोबार भएको छ । बैंकको कुल ७ करोड १२ लाख रुपैयाँ बराबरको प्रमोटर सेयर किनबेच भएको हो ।

त्यस्तै, बजारमा ३ समूह बाहेक कारोबारमा आएका बाँकी समूह राताम्मे देखिएका छन् । कूल १२ वटा समूहहरु मध्ये ट्रेडिङ, होटल र अन्य समूह क्रमशः ११, ७ र २ अंकले उकालो लागेका छन् भने बाँकी ९ वटा समूह ओरालो लागेका हुन् । ओरालो लाग्ने मध्ये सबैभन्दा बढी निर्जीवन बीमा समूह ६१ अंकले घटेको छ ।

बजारमा साल्ट ट्रेडिङ कर्पोरेशनका लगानीकर्ताले सबैभन्दा बढी अर्थात १० प्रतिशत कमाएका छन् । बढी गुमाउनेमा नेपाल हाईड्रो डेभलपर्सका लगानीकर्ता रहेका छन्, जसले एकैदिन ७.०९ प्रतिशत गुमाएका छन् ।

सम्बन्धित शिषर्कहरु

शाहको क्रिकेट प्रेम : अष्ट्रेलियाको क्लबदेखि सुदूरपश्चिम रोयल्ससम्म

कोशी र गण्डकीमा वर्षाको सम्भावना, यस्तो छ आजको मौसम

बाली लगाउने बेला सधैँ बीउकै चिन्ता

‘कान्छाराम कन्स्ट्रक्शन’को आवद्धता दुई वर्ष अगाडि नै छाडेको ऊर्जाराज्यमन्त्री तामाङको दावी

विगतमा लगाइएका नियन्त्रणमुखी नीतिहरू अहिलेको सरकारले पनि परिवर्तन गरेन : अध्यक्ष अग्रवाल

मस्कको ‘एक्स’ विरुद्ध अर्बपतिले हाले मुद्दा, के हो विवाद ?