काठमाडौं । सोमबारको शेयर बजारमा नेप्से परिसूचक र कारोबार रकम दुबैमा गिरावट भएको छ । सो दिन उतारचढाव देखिएको परिसूचक बजार बन्द हुँदा १३.७५ अंकले ओरालो लागेर ११५४.११ अंकमा अडिएको छ । जुन आइतबारको तुलनामा १.१८ प्रतिशतले घटी हो ।

बजारमा परिसूचकसँगै कारोबार रकममा पनि गिरावट देखिएको छ । सो दिन कूल १६६ कम्पनीको ४० करोड ७० लाख रुपैयाँ बराबरको शेयर कारोबार भएको छ । जसमध्ये सबैभन्दा बढी एनएमबि बैंकको ४ करोड ५६ लाख रुपैयाँ बराबरको शेयर किनबेच भएको छ ।

त्यस्तै, स्वावलम्बन लघुवित्त वित्तीय संस्थाको २ करोड ३४ लाख, एनआईसी एशिया बैंकको एक करोड ९५ लाख, नेपाल बैंकको एक करोड ४९ लाख, बेष्ट फाइनान्सको एक करोड ३६ लाख(प्रमोटर शेयर) र नेपाल लाइफ इन्स्योरेन्स कम्पनीको एक करोड २२ लाख रुपैयाँ बराबरको शेयर कारोबार भएको छ । बाँकी कम्पनीको एक करोडभन्दा कम शेयर कारोबार भएको छ ।

सोमबार कारोबारमा आएका सबै समूह राताम्मे देखिएका छन् । निर्जीवन बीमा र बीमा समूह क्रिपल डिजिट क्रमशः १७२ र १३६ अंकले ओरालो लागेका छन् । त्यस्तै, विकास बैंक, हाइड्रोपावर, उत्पादनमूलक, अन्य र माइक्रोफाइनान्स समूह दोहोरो अंकले घटेका छन् भने बाँकी समूह सामान्य एकल अंकले ओरालो लागेका छन् ।

बजारमा दिब्यश्वरी र यूनियन हाइड्रोपावरको शेयर मूल्य क्रमशः ५.४५ र ५ प्रतिशतले बढेको छ । सबैभन्दा बढी हिमालयन पावर पार्टनरको शेयर मूल्य ९.४९ प्रतिशतले घटेको छ ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै