काठमाडौं । बुधबारको बजारमा तीन कम्पनीका शेयरधनीले ९ प्रतिशत बढी कमाएका छन् । सो दिन बिशाल बजार कम्पनी, नेपाल फाइनान्स र दिब्यश्वरी हाइड्रोपावरका शेयरधनीले ९ प्रतिशत भन्दा बढी कमाएका छन् ।

जसमध्ये सबैभन्दा बढी बिशाल बजार कम्पनीको शेयर मूल्य ९.९९ प्रतिशतले बढेको छ । त्यस्तै, नेपाल फाइनान्सको ९.५६ र दिव्यश्वरीको ९.२६ प्रतिशतले शेयर मूल्य बढेको छ ।

बुधबारको बजार ३.३० अंकले घटेर ११५२ अंकमा झरेको छ । जुन अघिल्लो दिनको तुलनामा ०.२९ प्रतिशत कम हो । मंगलबारको तुलनामा परिसूचकमा गिरावट देखिए पनि कारोबार रकममा भने केही सुधार देखिएको छ । मंगलबार २७ करोडको शेयर कारोबार भएको बजारमा बुधबार २९ करोड ४७ लाख रुपैयाँ बराबरको शेयर किनेबच भएको छ ।

जसमध्ये चार कम्पनीको करोडौंको शेयर किनबेच भएको छ । सबैभन्दा बढी एनएमबि बैंकको ४ करोड ९० लाख रुपैयाँ बराबरको शेयर कारोबार भएको छ । त्यस्तै, नेपाल बैंकको एक करोड ६२ लाख, नबिल बैंकको एक करोड १४ लाख र साल्ट ट्रेडिङ् कर्पोरेशनको एक करोड १२ लाख रुपैयाँ बराबरको शेयर किनबेच भएको छ ।

सो दिन कारोबारमा आएका मध्ये तीन समूह उकालो लागेका छन् भने बाँकी ओरालो लागेका छन् । सबैभन्दा बढी ट्रेडिङ समूह २० अंकले उकाला लागेको छ भने होटल समूहको सूचक ४३ अंकले घटेको छ ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै