काठमाडौं । आजबाट भ्रमण वर्ष २०२० शुरु भएसँगै नेप्सेमा सूचीकृत होटल समूहमा उच्च अंकको वृद्धि भएको छ । नयाँ वर्ष शुरु भएकै दिन होटल समूहको परिसूचक त्रिपल डिजिटले उकालो लागेको छ । बुधबारको बजारमा होटल समूह १६८.३२ अंकले बढेर १९९३.९८ अंकमा पुगेको छ । जुन अघिल्लो दिनको तुलनामा ९.२२ प्रतिशत बढी हो ।

परिसूचकमा मात्रै नभएर कारोबार रकम र बढी कमाउने पनि होटल समूह नै अगाडि रहेका छ । बुधबारको बजारमा सबैभन्दा बढी ओरियन्टल होटलको शेयर कारोबार भएको छ । होटलको एकैदिन २ करोड ९५ लाख रुपैयाँ बराबरको शेयर किनबेच भएको छ । जसको शेयर मूल्य प्रतिकित्ता ४९९ रुपैयाँ रहेको छ । त्यस्तै, तारागाँउ रिजेन्सी होटलको एक करोड ९९ लाख र सोल्टी होटलको एक करोड ९४ लाख रुपैयाँ बराबरको शेयर किनबेच भएको छ ।

बढी कारोबार हुने यी तीनै होटल कम्पनीको शेयर मूल्यमा पनि पोजेटिभ सर्किट लागेको छ । सबैभन्दा बढी तारागाँउ रिजेन्सी होटलको शेयर मूल्य ९.९६ प्रतिशतले बढेको छ । त्यस्तै, ओरियन्टल होटल र सोल्टी होटलका लगानीकर्ताले क्रमशः ९.९१ र ९.६८ प्रतिशत कमाएका छन् ।

समग्रमा बुधबारको नेप्से परिसूचक ३.४७ अंकले बढेर ११६९ अंकमा पुगेको छ । जुन अघिल्लो दिनको तुलनामा ०.३० प्रतिशतको वृद्धि हो । बजारमा कूल १७६ कम्पनीको ३७ करोड २९ लाख रुपैयाँ बराबरको शेयर कारोबार भएको छ ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै