काठमाडौं । आइतबारको शेयर बजार दोहोरो अंकले उकालो लागेको छ । कारोबार शुरु भएको करिब दुई घण्टाको अवधिमै नेप्से परिसूचक ३५ अंकले उकालो लागेको छ । जुन अघिल्लो दिनको तुलनामा २.९३ प्रतिशतले बढेर १२४८.६७ अंकमा पुगेको हाे ।

कारोबार खुलेको केही घण्टामै १८ कम्पनीको शेयर मूल्यमा पोजेटिभ सर्किट लागेको छ । जसमध्ये मेरो फाइनान्स वित्तीय संस्था र प्रिमियर इन्स्योरेन्स कम्पनीको शेयर मूल्य १०/१० प्रतिशतले बढेको छ । स्वाभिमान लघुवित्त वित्तीय संस्था र घोडा घोडी लघुवित्त वित्तीय संस्थाका लगानीकर्ताले ९.९९/९.९९ प्रतिशत कमाएका छन् ।

त्यसैगरी ९ प्रतिशतभन्दा बढी कमाउनेमा सगरमाथा इन्स्योरेन्स कम्पनी, समता माइक्रोफाइनान्स वित्तीय संस्था, एनएलजी इन्स्योरेन्स कम्पनी, लुम्बिनी जनलर इन्स्योरेन्स कम्पनी, प्रुडेन्सियल इन्स्योरेन्स कम्पनी, ग्रामीण विकास लघुवित्त वित्तीय संस्था लगायत बाँकी ८ कम्पनी रहेका छन् ।

बजारमा कारोबारमा आएका सबैसमूह हरिया देखिएका छन् । जसमध्ये तीन समूहको सूचक त्रिपल डिजिटले बढेको छ । निर्जीवन बीमा समूह ३६२, जीवन बीमा समूह ३१४ र माइक्रोफाइनान्स समूह १०२ अंकले उकालो लागेका छन् ।

सम्बन्धित शिषर्कहरु

कार्वन व्यापारलाई थप प्रभावकारी बनाउनु पर्ने

४ महिनामा १० प्रतिशत मात्रै विकास खर्च, राजस्व सङ्कलन २२.३६ प्रतिशत

१० अर्ब लगानीमा पब्लिक कम्पनी स्थापना गरेका छौँ, मालिक बन्ने सुनौलो अवसर हो

आइतबारदेखि निर्वाचन आचारसंहिता लागू, बैंकका कर्मचारीले पनि पालना गर्नुपर्ने

निष्कृय खाताको रकम बैंकिङ विकास कोषमा जम्मा गर्दै एनआईएमबी

एनएमबि बैंकले ५ जिल्लामा १४ ठाउँको घरजग्गा बेच्दै